ស្រ្តីគឺងាយនឹងមានជំងឺពុកឆ្អឹងខ្លាំងជាងបុរស ជាពិសេសក្រោយពីស្រ្តីរ៉ាំងរដូវរួចតែម្តង។ ជាអសកុសល្យ ការពុកឆ្អឹងដោយសារតែរ៉ាំងរដូវមិនមានអ្វីអាចព្យាបាលបានឡើយ។ ម៉្យាងវិញទៀត នៅពេលវាស្រ្តីម្នាក់ត្រូវបានគេរកឃើញថាមានជំងឺពុកឆ្អឹងហើយ ពួកគេក៏អាចសិក្សាអំពីរបៀបនៃការរស់នៅជាមួយជំងឺនេះពេញមួយជីវិតបានដែរ។
អ្វីដែលជាដំណឹងល្អនោះគឺថា ជំងឺពុកឆ្អឹងលើស្រ្តីក្រោយរ៉ាំងរដូវ គឺជាអ្វីដែលអាចធ្វើបានដើម្បីទប់ស្កាត់វាកុំឲ្យធ្ងន់ធ្ងរទៀត។ មុនពេលរ៉ាំងរដូវ ស្រ្តីប្រហែលជាអាចធ្វើរឿងជាច្រើនដើម្បីបន្ថយការប្រឈមនឹងជំងឺពុកឆ្អឹងនេះបាន។ ខាងក្រោមនេះគឺជារឿងមួយចំនួន ដែលអាចជួយកាត់បន្ថយការកើតជំងឺពុកឆ្អឹងក្រោយពេលរ៉ាំងរដូវ៖
ញ៉ាំអាហារសម្បូរជាតិកាលស្យូម
ទឹកដោះគោ ហ្រ្វូម៉ាត យាអួរ ត្រីសាឌីន និងប្រូខូលី គឺជាប្រភពអាហារជាតិកាលស្យូមដ៏ល្អបំផុត ដែលអាចពង្រឹងសុខភាពឆ្អឹងកាន់តែរឹងមាំបាន។ ដូច្នេះចូរប្រាកដថា របបអាហារប្រចាំថ្ងៃរបស់អ្នកមានជាតិកាលស្យូមគ្រប់គ្រាន់ផង។ ស្រ្តីអាយុចាប់ពី ៥០ឆ្នាំចុះគឺគួរតែញ៉ាំជាតិកាលស្យូមឲ្យបាន ១០០០មីលីក្រាមជារៀងរាល់ថ្ងៃ។ បើសិនជាអ្នកមានអារម្មណ៍ របបអាហារប្រចាំថ្ងៃមិនបានផ្តល់ជាតិកាលស្យូមច្រើនទេ ចូរពិគ្រោះជាមួយគ្រូពេទ្យអំពីការប្រើថ្នាំបំប៉នបន្ថែម។
បន្ថយគ្រឿងស្រវឹង និងកាហ្វេ
គ្រូពេទ្យក៏មិនទាន់ច្បាស់នៅឡើយថា តើការញ៉ាំគ្រឿងស្រវឹងច្រើនប៉ុណ្ណាទើបធ្វើឲ្យខ្សោយឆ្អឹង។ ថ្វីបើយន្តការន៍ពិតប្រាកដមិនទាន់ដឹងក៏ដោយ ចូរគិតថា ការញ៉ាំគ្រឿងស្រវឹងក្នុងកម្រិតមធ្យមអាចមានផលល្អចំពោះជំងឺពុកឆ្អឹងក្រោយពេលរ៉ាំងរដូវ។ វាក៏ជារឿងល្អដែរក្នុងការបន្ថយកាហ្វេ ព្រោះជាតិកាហ្វេអ៊ីនត្រូវបានគេរកឃើញថាធ្វើឲ្យឆ្អឹងខ្សោយ។
ចៀសវាងភេសជ្ជៈមានជាតិសូដា
ចូរប្រាកដថា អ្នកលែងញ៉ាំភេសជ្ជៈមានជាតិសូដាហើយ ព្រោះថា ជាតិស្ករដ៏ខ្ពស់ភេសជ្ជៈមួយនេះអាចធ្វើឲ្យមានបញ្ហាដល់កម្រិតអាំងស៊ុយលីនក្នុងឈាម ដែលអាចនាំឲ្យកើតជំងឺពុកឆ្អឹងក្រោយរ៉ាំងរដូវនៅថ្ងៃអនាគតបាន។
ឈប់ជក់បារី
តើអ្នកជក់បារីទេ? បើមែន យកល្អគួរតែផ្តាច់ទម្លាប់នេះពីឥឡូវទៅ ខណៈពេលដែលអ្នកមិនទាន់រ៉ាំងរដូវ។ ម៉្យាងវិញទៀត អ្នកកំពុងតែប្រឈមនឹងជំងឺពុកឆ្អឹងក្រោយរ៉ាំងរដូវនៅថ្ងៃអនាគត់ហើយ។ យើងទាំងអស់គ្នាដឹងហើយថា វាមានបញ្ហាសុខភាពច្រើនណាស់ដោយសារតែការជក់បារី ហើយការខ្សោយឆ្អឹងក៏ជាផ្នែកមួយរបស់វាដែរ។
ហាត់ប្រាណទៀងទាត់
សកម្មភាពធម្មតាៗដូចជា ការដើរ និងជិះកង់ទៀងទាត់គឺគ្រប់គ្រាន់សម្រាប់ជួយឲ្យឆ្អឹងរឹងមាំ។ ដូច្នេះតាមរយៈការហាត់ប្រាណទៀងទាត់ អ្នកអាចបន្ថយការប្រឈមនឹងជំងឺពុកឆ្អឹងក្រោយរ៉ាំងរដូវបាន។ ឥទ្ធិពលដេលសន្លាក់រងក្នុងពេលហាត់ប្រាណពិតជាធ្វើឲ្យឆ្អឹងអ្នករឹងមាំបាន។ ដូច្នេះចូរធ្វើយ៉ាងណាឲ្យរាងកាយមានភាពសកម្មឲ្យបានច្រើនតាមតែអាចធ្វើបាន។
សម្រកទម្ងន់
មូលហេតុផ្សេងមួយទៀតដែលអ្នកគួរតែហាត់ប្រាណទៀងទាត់គឺសម្រកទម្ងន់។ អ្នកមិនចង់ធាត់ឡើយ ដោយសារតែវា ជារឿងដែលនាំឲ្យអ្នកប្រឈមខ្ពស់នឹងជំងឺពុកឆ្អឹង។ ដូច្នេះ មុនពេលរ៉ាំងរដូវ ចូរចាប់ផ្តើមសម្រកទម្ងន់ឲ្យបានខ្លះផងទៅ។ ក្រៅពីនេះ អ្នកមិនគ្រាន់តែអាចបន្ថយការប្រឈមនឹងជំងឺពុកឆ្អឹងក្រោយរ៉ាំងរដូវទេ តែវានឹងជួយបន្ថយជំងឺជាច្រើនទៀតដែរដូចជា ជំងឺទឹកនោមផ្អែម ឬបេះដូងជាដើម៕