ចង់ឱ្យបបូរមាត់ទន់រលោងស្អាតមិនពិបាកឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក៏ព្រោះគន្លឹះធម្មជាតិមួយចំនួនអាចជួយអ្នកបានយ៉ាងប្រសើរ។ ថាតើធ្វើយ៉ាងណាទើបអាចរក្សាបាននូវបបូរមាត់ទន់រលោង? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយឱ្យបបូរមាត់ទន់រលោង ៖
១. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបសាច់ ឬជែលប្រទាលកន្ទុយក្រពើលើបបូរមាត់និងទុកចោលសម្រាប់រយៈពេលមួយយប់។ បន្ទាប់មកសឹមលាងសម្អាតចេញជាមួយទឹកធម្មតានៅព្រឹកបន្ទាប់។
២. ប្រេងដូង
អ្វីដែលអ្នកត្រូវធ្វើ គឺគ្រាន់តែលាបប្រេងដូងបន្តិចលើបបូរមាត់ជាការស្រេច។ អ្នកក៏អាចលាយប្រេងដើមតែ ២ ដំណក់ក្នុងប្រេងដូងមុននឹងលាបលើបបូរមាត់។ លាងសម្អាតចេញនៅរយៈពេលពី ២ ទៅ ៣ ក្រោយ ឬទុកចោលមួយយប់។
៣. ទឹកឃ្មុំ
អ្វីដែលអ្នកត្រូវធ្វើ គឺគ្រាន់តែលាយទឹកឃ្មុំ ១ ស្លាបព្រាកាហ្វេជាមួយស្ករសបន្តិច បន្ទាប់មកលាបម៉ាស្សាល្បាយថ្នមៗក្នុងចលនាបែបរង្វង់សម្រាប់រយៈពេលយ៉ាងហោចពី ២ ទៅ ៣ នាទីលើបបូរមាត់។ ទុកចោលសម្រាប់រយៈពេល ៥ នាទី សឹមលាងសម្អាតចេញជាមួយទឹកធម្មតាជាការស្រេច។ ជូតផ្ដិតបបូរមាត់ថ្នមរហូតស្ងួត សឹមលាបប្រេងដូងបន្តិចពីលើ។ អ្នកអាចអនុវត្តរូបមន្តនេះយ៉ាងហោចណាស់ម្ដងក្នុងមួយសប្តាហ៍។
៤. ម្សៅឈើអែម
អ្វីដែលអ្នកត្រូវធ្វើ គឺគ្រាន់តែលាយម្សៅឈើអែមកន្លះស្លាបព្រាកាហ្វេ ជាមួយទឹកឃ្មុំកន្លះស្លាបព្រាបាយ និងប្រេងអូលីវកន្លះស្លាបព្រាបាយ ចូលគ្នាឱ្យសព្វ។ លាបល្បាយដុសថ្នមៗលើបបូរមាត់ដោយប្រើចុងម្រាមដៃ។ លាងសម្អាតចេញជាមួយទឹកក្ដៅឧណ្ហៗជាការស្រេច។
៥. កាហ្វេម៉ដ្ឋ
អ្វីដែលអ្នកត្រូវធ្វើ គឺលាយកាហ្វេម៉ដ្ឋ ១ ស្លាបព្រាបាយ ជាមួយទឹកឃ្មុំ ១ ស្លាបព្រាបាយ។ កូរឱ្យសព្វ និងដុសលាបម៉ាស្សាល្បាយថ្នមៗលើបបូរមាត់សម្រាប់រយៈពេលប្រហែល ១ នាទី។ លាងសម្អាតចេញជាមួយទឹកក្ដៅឧណ្ហៗ៕
