ជួយចែករំលែក! អាហារនិងភេសជ្ជៈអ្វីខ្លះអាចជួយកម្ចាត់បញ្ហាក្លិនខ្យល់ដង្ហើមមិនល្អ?

តើអ្នកធ្លាប់ដឹងទេថាការទទួលទានអាហារមួយចំនួនអាចជួយឱ្យអ្នកចៀសផុតពីបញ្ហាក្លិនខ្យល់ដង្ហើមមិនល្អបានយ៉ាងប្រសើរ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារទាំងនោះមានអ្វីខ្លះ? ខាងក្រោមវេបសាយសុខភាព Health.com.kh បង្ហាញឱ្យដឹងពីអាហារដែលអ្នកគួរព្យាយាមទទួលទានដើម្បីបំបាត់ក្លិនមាត់មិនល្អ ៖

១. ផ្លែប៉ោម

ផ្លែប៉ោមជាប្រភពនៃសារធាតុ polyphenols ដែលមានប្រសិទ្ធភាពកម្ចាត់អង់ស៊ីមក្នុងខ្ទឹមទប់ស្កាត់ក្លិនខ្លាំងជាប់ក្នុងមាត់ក្រោយទទួលទាន។

២. តែ

ការទទួលទានតែបៃតង ឬតែខ្មៅពិតជាអាចជួយកាត់បន្ថយក្លិនខ្យល់ដង្ហើមមិនល្អគួរ​ឱ្យកត់សម្គាល់។ នេះក៏ព្រោះតែតែបៃតងនិងតែខ្មៅមានផ្ទុកសារធាតុប្រឆាំងអុកស៊ីតកម្ម polyphenols ដែលជួយកម្ចាត់រាល់បាក់តេរីដែលបង្កបញ្ហាក្លិនមាត់មិនល្អ។

៣. ទឹក

ការទទួលទានទឹកអាចជួយសម្រួលដល់ដំណើរការនៃការរំលាយអាហារ។ ទឹកបង្កើនការនាំយកអាហារទៅកាន់ប្រព័ន្ធរំលាយអាហារនិងកម្ចាត់កំទេចកំទីអាហារដែលអាចបង្កក្លិនខ្យល់ដង្ហើមមិនល្អពីក្នុងមាត់។

៤. យ៉ាអួរប្រូបាយអូទិក

ការទទួលទានយ៉ាអួរជាប្រចាំអាចជួយដោះស្រាយបញ្ហាក្លិនខ្យល់ដង្ហើមមិនល្អដែលបង្កឡើងដោយបាក់តេរីក្នុងមាត់។ ទោះជាយ៉ាងណាអ្នកត្រូវប្រាកដថាបានជ្រើសរើសទទួលទានយ៉ាអួរសុទ្ធចៀសវាងមានផ្ទុកជាតិស្ករបន្ថែម។

៥. ជីវ៉ាន់ស៊ុយ

ជាប្រភពដ៏ប្រសើរនៃក្លរ៉ូភីលមានលក្ខណៈសម្បត្តិប្រឆាំងបាក់តេរីដែលបំពែកសមាសធាតុ sulfur ទប់ស្កាត់បញ្ហាក្លិនខ្យល់ដង្ហើមមិនល្អ៕