ការដែលមានបញ្ហាតឹងសាច់ដុំនៅទ្រូងអាចធ្វើឲ្យរំខានដល់ជីវិតរស់នៅបាន។ ក្រៅពីធ្វើឲ្យអ្នកមិនអាចធ្វើសកម្មភាពប្រចាំថ្ងៃមួយចំនួនបាន វាក៏ប្រហែលជាធ្វើឲ្យពិបាកដកដង្ហើមទៀតផង។ ចូរសម្គាល់ថា ការដែលមានអារម្មណ៍ថា អ្នកមិនអាចដកដង្ហើមបានស្រួលដោយសារតែតឹងទ្រូង វាគួរតែជារឿងធ្ងន់ធ្ងរដែលត្រូវគិតគូ។ វាគឺជារឿងល្អមួយដែលអ្នកគួរប្រាប់រឿងនេះដល់គ្រូពេទ្យឲ្យបានដឹងដើម្បីប្រាកដថា មិនមានអ្វីធ្ងន់ធ្ងរប៉ះពាល់ដល់អាយុជីវិតរបស់អ្នក។
បើសិនជាអ្នកឧស្សាហ៍តឹងទ្រូង យកល្អគួរតែព្យាយាមធ្វើដូចខាងក្រោមនេះ៖
បន្ថយសកម្មភាពរាងកាយ
បើសិនជាសាច់ដុំក្នុងទ្រូងអ្នកតឹងខ្លាំង វាច្រើនតែមានន័យថា វាបានធ្វើការច្រើនជ្រុល។ វាគឺជាហេតុផលពិតប្រាកដមួយដែលអ្នកគួរតែផ្តល់ពេលវេលាដល់ទ្រូងសម្រាកឲ្យបានច្រើនវិញ។ បើសិនជាអ្នកជាមនុស្សហាត់ប្រាណ ចូរពិចារណាលើការសម្រាករាងកាយសិនទៅ។
ញ៉ាំអាហារប្រឆាំងការរលាក
មានអាហារច្រើនណាស់ដែលអាចជួយសម្រួលដល់ការតឹងក្នុងទ្រូងបានកាន់តែលឿន ហើយក្នុងនោះអាហារប្រឆាំងការរលាកក៏ជួយបានដែរ។ អាហារប្រឆាំងការរលាកដ៏មានប្រសិទ្ធភាពបំផុតមួយចំនួនគឺជាពពួកត្រីសម្បូខ្លាញ់ ដោយសារតែវាផ្ទុកទៅដោយអាស៊ីតខ្លាញ់អូមេហ្គាបី។ អ្នកក៏អាចទទួលបានសារធាតុមួយនេះពីគ្រាប់ធញ្ញជាតិបានដែរ។
បន្ថយស្រ្តេស
យើងទាំងអស់គ្នាសុទ្ធតែដឹងថា ស្រ្តេសរ៉ាំរ៉ៃអាចបណ្តាលឲ្យមានផលវិបាកច្រើន ហើយរឿងមួយក្នុងចំណោមរឿងទាំងនោះគឺការតឹងសាច់ដុំតែម្តង។ វាគឺជាហេតុផលពិតប្រាកដមួយដែលអ្នកមានអាការៈតឹងក្នុងទ្រូងបើសិនជាជីវិតរស់នៅពោពេញទៅដោយភាពតានតឹង។ ចូរព្យាយាមចៀសវាងមូលហេតុនៃភាពស្រ្តេស និងប្រើប្រាស់វិធីជាច្រើនដើម្បីបន្ថយស្រ្តេសដូចជា ការស្តាប់ចម្រៀង ឬម៉ាស្សា។
ប្រើប្រាស់ការស្អំទឹកក្តៅ ឬត្រជាក់
តើអ្នកអាចសម្គាល់ឲ្យច្បាស់ថាកន្លែងណាដែលអ្នកកំពុងតែតឹងក្នុងទ្រូងនោះ? បន្ទាប់មក អ្នកក៏អាចប្រើវិធីស្អំទឹកក្តៅ ឬត្រជាក់នៅកន្លែងនោះបាន។ មានមនុស្សជាច្រើនប្រើប្រាស់វិធីស្អំទឹកក្តៅ និងត្រជាក់ដើម្បីបំបាត់ការតឹងទ្រូងភ្លាមៗ៕