ងាយៗ! ចង់បានស្បែកស្អាតក្មេងជាងវ័យ? កុំភ្លេចបង្កើនកូឡាជែនក្នុងរាងកាយជាមួយអាហារទាំងនេះ

ដើម្បីបង្កើនការផលិតកូឡាជែនក្នុងរាងកាយអ្នកមិនចាំបាច់ត្រូវលេបថ្នាំគ្រាប់កូឡាជែនដែលមានតម្លៃថ្លៃៗឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នោះក៏ព្រោះតែអាហារមួយចំនួនមានប្រសិទ្ធខ្ពស់ក្នុងការបង្កើនបរិមាណកូឡាជែនក្នុងរាងកាយតាមបែបធម្មជាតិដែលជួយអោយស្បែកក្មេងជាងវ័យ ហើយសុខភាពសន្លាក់និងសក់រឹងមាំ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយបង្កើនការផលិតកូឡាជែន ៖

១. បន្លែបៃតង

ជាអាហារដែលអ្នកចាំបាច់គួររួមបញ្ចូលក្នុងរបបអាហារប្រចាំថ្ងៃដើម្បីបង្កើនការផលិតកូឡាជែន។ អាហារនេះមានផ្ទុកសម្បូរទៅដោយវីតាមីន C ដែលចាំបាច់សម្រាប់ការផលិតកូឡាជែន។

២. តែបៃតង

សារធាតុប្រឆាំងអុកស៊ីតកម្មក្នុងតែបៃតងមិនត្រឹមតែជួយកម្ចាត់រ៉ាឌីកាល់សេរីដែលបំផ្លាញកោសិកាស្បែកប៉ុណ្ណោះទេ ប៉ុន្តែថែមទាំងបង្កើនការផលិតកូឡាជែនផងដែរ។ ការទទួលទានតែបៃតងពី ៣ ទៅ ៥ ពែងក្នុងមួយថ្ងៃត្រូវបានណែនាំ ប៉ុន្តែមិនសាកសមសម្រាប់អ្នកដែលប្រតិកម្មជាមួយកាហ្វេអ៊ីនឡើយ។ អ្នកចាញ់កាហ្វេអ៊ីនក៏មិនគួរទទួលទានតែបៃតងច្រើនពេកដែលចៀសវាងគេងមិនលក់។

៣. បន្លែនិងផ្លែឈើពណ៌ក្រហម

ការរួមបញ្ចូលបន្លែផ្លែឈើពណ៌ក្រហមក្នុងរបបអាហារប្រចាំថ្ងៃអាចជួយប្រយុទ្ធប្រឆាំងបញ្ហាស្បែកយារធ្លាក់។ នេះក៏ព្រោះតែអាហារប្រភេទនេះមានផ្ទុកសារធាតុ lycopene ដែលជួយបង្កើនការផលិតកូឡាជែនគួរឱ្យកត់សម្គាល់។

៤. ត្រីសម្បូរខ្លាញ់

ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ដែលល្អសម្រាប់សុខភាពស្បែកទប់ស្កាត់ការបំផ្លាញកូឡាជែន។

៥. ផ្លែឈើប្រភេទ Citrus

រួមមានក្រូច ទំពាំងបាយជូរ និងក្រូចឆ្មារជាដើមសុទ្ធតែមានផ្ទុកវីតាមីន C ខ្ពស់ដែលជួយបង្កើនការផលិតកូឡាជែន។

៦. តែស

ការទទួលទានតែសមានប្រសិទ្ធភាពខ្ពស់ក្នុងការការពារប្រូតេអ៊ីនកូឡាជែនក្នុរាងកាយ។ តែសក៏ជាប្រភពដ៏ល្អបំផុតនៃសារធាតុ polyphenols ជួយទប់ស្កាត់អង់ស៊ីមមួយចំនួនមិនឱ្យបំបែកកូឡាជែន។

៧. ខ្ទឹមស

ក្រៅពីជួយបន្ថែមក្លិននិងរសជាតិដល់អាហារហើយនោះ ខ្ទឹមសក៏បង្កើនការផលិតកូឡាជែនផងដែរ។ ខ្ទឹមសមានផ្ទុកសារធាតុ sulfur ដែលអាចបញ្ឈប់ការបំបែកកូឡាជែន៕