ការនាំកូនទៅកាត់សក់គឺជាកង្វល់សម្រាប់អ្នកម្តាយគ្រប់រូប ព្រោះកូនតែងតែយំ ហើយមិនព្រមឱ្យជាងកាត់ឡើយ ដូចនេះគួរតែធ្វើដូចម្តេចទើបកូនព្រមអង្គុយស្ងាមឱ្យគេកាត់ឱ្យនោះ?

  1. អ្នកត្រូវតែនាំកូនទៅកាត់សក់នៅហាងដែលអ្នកឧស្សាហ៍ទៅកាត់។
  2. នៅពេលដែលអ្នកទៅកក់សក់ ឬទៅកាត់សក់ អ្នកគួរតែនាំកូនទៅជាមួយ ដើម្បីឱ្យកូនស្គាល់ហាងនោះឱ្យច្បាស់ជាមុនសិន។
  3. អ្នកគួរតែឱ្យជាងកាត់សក់និយាយលេងជាមួយកូនឱ្យបានច្រើន ដើម្បីឱ្យកូនស្គាល់ជាងនោះឱ្យហើយ នោះពេលដែលនាំគេមកកាត់សក់ គេនឹងមិនយំឡើយ។
  4. នៅពេលដែលអ្នកនាំកូនទៅកាត់សក់លើកដំបូង យកល្អអ្នកគួរតែពរកូនដើម្បីឱ្យជាងកាត់សក់ ព្រោះដើម្បីឱ្យកូនមានអារម្មណ៍សុវត្ថិភាព។
  5. អ្នកអាចយកតុក្កតាដែលកូនស្រលាញ់ឱ្យគេឱប​ ហើយនិងលេង នោះគេនឹងអាចភ្លេចថាគេកំពុងតែកាត់សក់។
  6. នៅពេលដែលគេកាត់ហើយ អ្នកត្រូវតែសរសើរគេថាស្អាត ទោះបីជាពេលខ្លះកាត់ខុសក៏ដោយ ក៏អ្នកមិនត្រូវសើចកូលដែរ៕