របបអាហារត្រឹមត្រូវ គឺចាំបាច់ណាស់សម្រាប់សុខភាពស្បែកល្អប្រសើរស្រស់ស្អាត។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះល្អចំពោះស្បែក? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលអ្នកគួរទទួលទានប្រសិនបើចង់បានស្បែកស្រស់ស្អាត ៖
១. ប៉េងប៉ោះ
ការទទួលទានប៉េងប៉ោះក៏ជួយទប់ស្កាត់ការកើតមុនផងដែរតាមរយៈបរិមាណនៃសារធាតុ lycopene ដែលមានផ្ទុក។ សារធាតុ lycopene ក៏ជួយការពារស្បែកមិនឱ្យទទួលរងការបំផ្លាញពីពន្លឺព្រះអាទិត្យ ឬកាំរស្មីយូវីផងដែរ។ ដូច្នេះកុំភ្លេចរួមបញ្ចូលប៉េងប៉ោះក្នុងរបបអាហារប្រចាំថ្ងៃ។
២. ក្រូច
មិនថាក្រូចឆ្មារ ក្រូចថ្លុង ឬក្រូចអ្វីនោះទេសុទ្ធតែជាប្រភពដ៏ល្អបំផុតមួយនៃវីតាមីន C ដែលជួយសារធាតុ proline និងអាស៊ីតអាមីណូ lysine បំលែងទៅជាកូឡាជែន។ វីតាមីន C ក៏សំខាន់ក្នុងការកម្ចាត់រ៉ាឌីកាល់សេរីដែលវាយប្រហាយនិងបង្កការបំផ្លាញអេឡាស្ទីននិងកូឡាជែនក្នុងស្បែកផងដែរ។
៣. ផ្លែទទឹម
នោះក៏ព្រោះតែផ្លែទទឹមមានផ្ទុកសារធាតុ polyphenols ដែលជាសារធាតុប្រឆាំងអុកស៊ីតកម្មជួយសម្រួលចរន្តឈាមឱ្យកាន់តែមានលក្ខណៈប្រសើរឡើងហូរផ្ដល់ឱ្យស្បែកនូវពណ៌ស៊ីជម្ពូរស្រស់ស្អាត។ ការទទួលទានផ្លែទទឹម ឬទឹកទទឹមស្រស់ម្ដងក្នុងមួយថ្ងៃអាចផ្ដល់ឥទ្ធិពលវិជ្ជមានគួរឱ្យចាប់អារម្មណ៍ជាច្រើនចំពោះសុខភាពស្បែក។
៤. ប្រេងអូលីវ
មានផ្ទុកជាតិខ្លាញ់សុខភាពល្អ monounsaturated ដែលអាចជួយរក្សាភាពក្មេងជាតិវ័យនៃស្បែក។ លើសពីនេះទៅទៀតសារធាតុប្រឆាំងអុកស៊ីតកម្មនៃប្រេងអូលីវក៏ជួយទប់ស្កាត់ការបំផ្លាញដែលបង្កឡើងដោយរ៉ាឌីកាល់សេរីផងដែរ។
៥. ផ្លែបឺរ
ផ្លែឈើនេះមានផ្ទុកសម្បូរទៅដោយជាតិខ្លាញ់ល្អ monounsaturated ដែលជួយរក្សាជាតិសំណើមនៃស្បែកបានយ៉ាងប្រសើរ ខណៈដែលស្នាមជ្រីវជ្រួញងាយនឹងលេចឡើងចំពោះស្បែកស្ងួត។ លើសពីនេះទៅទៀត ជាតិខ្លាញ់ monounsaturated ក៏ជួយអោយរាងកាយអាចស្រូបសារធាតុចិញ្ចឹម និងវីតាមីនផ្សេងៗដែលស្បែកត្រូវការបានពេញលេញផងដែរ។
៦. ខ្ទឹមស
ជាប្រភពដ៏ប្រសើរនៃ lipoic acid ស្ពាន់ធ័រ និងសារធាតុ taurine ជួយក្នុងការបង្កើតឡើងវិញនូវសសៃកូឡាជែនដែលទទួលរងការបំផ្លាញយូរមកហើយ។
៧. ទំពាំងបាយជូរ
ផ្លែឈើនេះល្អចំពោះទាំងសុខភាពរាងកាយនិងសម្រស់។ ការទទួលទានផ្លែទំពាំងបាយជូរជួយសម្អាតឈាមនិងធ្វើឱ្យស្បែកមានសំណើមមិនស្រអាប់។ សារធាតុ polyphenols ក្នុងគ្រាប់ទំពាំងបាយជូរជួយការពារស្បែកមិនឱ្យទទួលរងការបំផ្លាញពីសំណាក់រ៉ាឌីកាល់សេរីនិងពន្យឺតដំណើរការនៃភាពចាស់តាមវ័យ។
៨. ល្ហុង
ល្ហុងមានផ្ទុកសម្បូរទៅដោយវីតាមីន C និងវីតាមីន A ដែលសុទ្ធតែល្អសម្រាប់រក្សាសុខភាពស្បែក។ ការទទួលទានល្ហុងជាប្រចាំអាចជួយបង្កើនកម្រិតកូឡាជែនរបស់ស្បែកគួរឱ្យកត់សម្គាល់។
៩. គ្រាប់ធញ្ញជាតិនិងគ្រាប់ពូជ
មានផ្ទុកសម្បូរទៅដោយអាស៊ីតខ្លាញ់អូមេហ្គា ៣ និងវីតាមីន E ដែលល្អណាស់សម្រាប់សុខភាពស្បែក។ ទោះជាយ៉ាងណាមិនត្រូវទទួលទានច្រើនជាងមួយក្ដាប់ដៃពេញក្នុងមួយថ្ងៃឡើយ។
១០. បន្លែបៃតង
មានផ្ទុកសារធាតុ zeaxanthin និង lutein ដែលជួយការពារស្បែកពីការបំផ្លាញនៃពន្លឺព្រះអាទិត្យ៕