ការជ្រើសរើសរបបអាហារ ក៏ដូចជាអាហារសម្រន់បានត្រឹមត្រូវ គឺសំខាន់ណាស់សម្រាប់អ្នកជំងឺទឹកនោមផ្អែមប្រភេទទី ២ ខណៈដែលវាជួយគ្រប់គ្រងកម្រិតនៃជាតិស្ករក្នុងឈាម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារសម្រន់អ្វីខ្លះទៅល្អអាចជួយគ្រប់គ្រង់កម្រិតនៃជាតិស្ករក្នុងឈាមបាន? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារសម្រន់ទាំងនោះ ៖
១. បន្លែបៃតង
បន្លែបៃតងជាជម្រើសនៃអាហារដ៏ល្អបំផុតមួយសម្រាប់អ្នកជំងឺទឹកនោមផ្អែម ឬអ្នកកំពុងប្រឈមមុខនឹងហានិភ័យនៃជំងឺនេះ! នោះក៏ព្រោះតែបន្លែបៃតងមានផ្ទុកសម្បូរទៅដោយជាតិសសៃដែលជួយកំណត់កម្រិតនៃជាតិស្ករដែលបញ្ចេញទៅក្នុងចរន្តឈាម។ ដូច្នេះវាមានន័យថា ការទទួលទានបន្លែបៃតងជួយទប់ស្កាត់បញ្ហាកម្រិតជាតិស្ករក្នុងឈាមឡើងខ្ពស់ខុសប្រក្រតី។ ។
២. ត្រីសម្បូរខ្លាញ់
ត្រីសាលម៉ុន ត្រីធូណា ត្រីសាឌីន ត្រី Halibut និងត្រី mackerel សុទ្ធតែជាប្រភេទនៃត្រីដែលមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ ព្រមទាំងប្រូតេអ៊ីនជួយកាត់បន្ថយភាពធន់នឹងអាំងស៊ុយលីនចំពោះអ្នកជំងឺទឹកនោមផ្អែម ក៏ដូចជាអ្នកកំពុងប្រឈមមុខនឹងហានិភ័យនៃជំងឺនេះ។ លើសពីនេះទៅទៀតអាស៊ីតខ្លាញ់អូមេហ្គា ៣ ក៏ល្អសម្រាប់សុខភាពសន្លាក់ឆ្អឹង បេះដូង និងខួរក្បាលផងដែរ។ ដូច្នេះដើម្បីជាការប្រសើរចូរទទួលទានត្រីសម្បូរខ្លាញ់ឳ្យបាន ២ ដងក្នុងមួយសប្តាហ៍។
៣. គ្រាប់រីករាយ
ជាអាហារសម្រន់ដ៏ល្អបំផុតមួយសម្រាប់អ្នកជំងឺទឹកនោមផ្អែម ក៏ព្រោះគ្រាប់ធញ្ញជាតិនេះមានផ្ទុកសម្បូរទៅដោយប្រូតេអ៊ីន ព្រមទាំងជាតិខ្លាញ់ polyunsaturated និង monounsaturated ដែលជួយបញ្ចុះកម្រិតកូឡេស្តេរ៉ូលមិនល្អ ហើយកាត់បន្ថយហានិភ័យនៃបញ្ហាសុខភាពផ្សេងៗដែលអាចកើតឡើងដោយសារជំងឺទឹកនោមផ្អែម។ ម្យ៉ាងវិញទៀត គ្រាប់ផ្ការីករាយមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ និងជាតិសសៃ ដែលជួយគ្រប់គ្រងកម្រិតនៃជាតិស្ករក្នុងឈាម។
៤. ភេសជ្ជៈមានផ្ទុកកាឡូរីទាប
ការទទួលទានទឹកធម្មតា គឺល្អណាស់ហើយ ប៉ុន្តែទឹកបន្លែ ឬផ្លែឈើស្រស់ក៏ប្រសើរដែរ។ អ្នកក៏អាចបន្ថែមចំណិតត្រសក់ ឬក្រូចឆ្មារក្នុងទឹកធម្មតាមុននឹងទទួលទានក៏បានដើម្បីអត្ថប្រយោជន៍ទ្វេដងចំពោះសុខភាព។
៥. ត្រីសម្បូរខ្លាញ់
ដោយសារប្រូតេអ៊ីនមិនអាចផ្ដល់ផលប៉ះពាល់ណាមួយចំពោះកម្រិតនៃជាតិស្ករក្នុងឈាមនោះអ្នកជំងឺទឹកនោមផ្អែម ឬអ្នកកំពុងប្រឈមមុខនឹងហានិភ័យនៃជំងឺនេះគួរទទួលទានអាហារដែលមានផ្ទុកសម្បូរទៅដោយជាតិប្រូតេអ៊ីនឱ្យបានច្រើន។ ហើយជម្រើសនៃប្រូតេអ៊ីនដ៏ល្អបំផុតមួយសម្រាប់សុខភាពនោះ គឺមានប្រភពចេញពីត្រីសម្បូរខ្លាញ់។
៦. ផ្លែបឺរជាមួយក្រូចឆ្មារ
នេះជាជម្រើសនៃអាហារសម្រន់ដ៏ប្រសើរបំផុតមួយសម្រាប់អ្នកចង់គ្រង់គ្រងកម្រិតជាតិស្ករក្នុងឈាមដោយវាមានផ្ទុកសម្បូរទៅដោយខ្លាញ់ល្អ monounsaturated។ អ្នកអាចច្របាច់ក្រូចឆ្មារលើផ្លែបឺរនិងរោយអំបិលបន្តិចដើម្បីបន្ថែមរសជាតិ។ ផ្លែបឺរមានផ្ទុកកាឡូរីមិនទាបពេកឡើយ ដូច្នេះចូរកម្រិតការទទួលទានរបស់អ្នក។ ប្រហែលត្រឹមកន្លះពែងនៃផ្លែបឺរ គឺគ្រប់គ្រាន់ហើយសម្រាប់អាហារសម្រន់។
៧. គ្រាប់ពូជ
ការទទួលទានគ្រាប់ពូជដូចជា គ្រាប់ជី គ្រាប់ល្ពៅ គ្រាប់ផ្កាឈូករ័ត្ន និងគ្រាប់ល្ង ។ល។ គឺល្អណាស់សម្រាប់អ្នកជំងឺទឹកនោមផ្អែម ឬអ្នកកំពុងប្រឈមមុខនឹងហានិភ័យនៃជំងឺនេះ ក៏ព្រោះគ្រាប់ពូជជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ និងជាតិសសៃ ដែលជួយគ្រងគ្រងប្រយុទ្ធប្រឆាំងកម្រិតនៃជាតិស្ករឡើងខ្ពស់ប្រកបដោយប្រសិទ្ធិភាព៕