ស្បែកស្ងួត? មិនពិបាកដោះស្រាយឡើយ កុំរំលងអត្ថបទនេះ

ស្បែកស្ងួតមិនមែនជាបញ្ហាពិបាកនឹងដោះស្រាយឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះផ្ដល់សំណើមដល់ស្បែកតាមបែបធម្មជាតិ ៖

១. រមៀតនិងប្រេងដូង

អ្វីដែលអ្នកត្រូវធ្វើ គឺគ្រាន់តែលាយម្ស៉ៅរមៀតជាមួយប្រេងដូងចូលគ្នាឱ្យសព្វក្លាយជាល្បាយខាប់ៗ។ បន្ទាប់មកចាប់ផ្ដើមលាបល្បាយលើស្បែក ប៉ុន្តែចៀសវាងតំបន់ភ្នែក។ ទុកចោលសម្រាប់រយៈពេល ១០ នាទី សឹមលាងមុខចេញជាមួយទឹកក្ដៅឧណ្ហៗជាការស្រេច។ ពណ៌លឿងៗជាប់ស្បែកនឹងបាត់ទៅវិញនៅពេលលាងសម្អាតមុខពេលក្រោយ។ អនុវត្តរូបមន្តនេះរាល់យប់មុនពេលចូលគេង ឬនៅពេលព្រឹកមុនពេលងូតទឹក។

២. ទឹកឃ្មុំ

អ្វីដែលអ្នកត្រូវធ្វើ គឺគ្រាន់តែលាបទឹកឃ្មុំលើស្បែកមុនពេលងូតទឹក រួចទុកចោលសម្រាប់រយៈពេលពី ៥ ទៅ ១០ នាទី។ អនុវត្តជាប្រចាំដើម្បីទទួលបានស្បែកមានសំណើមទន់រលោង។

៣. ប្រេងអូលីវ

បន្ទាប់ពីលាបផលិតផលផ្ដល់សំណើមដល់ស្បែកដែលអ្នកបានប្រើប្រាស់ជាប្រចាំហើយនោះ ចូរលាបប្រេងអូលីវមួយស្រទាប់យ៉ាងស្ដើងបន្ថែមពីលើ។ អ្នកក៏អាចលាបម៉ាស្សាប្រេងអូលីវខ្លះលើជើង ដៃ និងផ្នែកផ្សេងទៀតនៃរាងកាយដែលមានស្បែកស្ងួតមុនពេលងូតទឹក ៣០ នាទី។

៤. យ៉ាអួរ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាយ៉ាអួរស្រស់ៗលើស្បែក ហើយទុកចោលសម្រាប់រយៈពេលយ៉ាងហោចណាស់ ១០ នាទីសឹមងូតទឹកសម្អាតចេញ។ អនុវត្តម្ដងក្នុងមួយថ្ងៃជាប្រចាំ៕