តើអ្នកកំពុងជួបបញ្ហាកម្រិតនៃអ័រម៉ូន estrogen ឡើងខ្ពស់មែនទេ?  (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កម្រិតនៃអ័រម៉ូន estrogen ឡើងខ្ពស់ខុសធម្មតាបង្កើនហានិភ័យនៃបញ្ហាសុខភាពផ្សេងទៀតគួរឱ្យព្រួយបារម្ភ។ ​ក្រៅពីការប្រើប្រាស់ថ្នាំ អ្នកក៏អាចរក្សាកម្រិតធម្មតានៃអ័រម៉ូន estrogen តាមរយៈរបបអាហារផងដែរ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងអាហារដែលអ្នកគួរទទួលទានដើម្បីកាត់បន្ថយកម្រិតនៃអ័រម៉ូន estrogen ៖

១. ​បន្លែប្រភេទ Cruciferous

រួមមានស្ពៃក្ដោប ប្រូខូលី ឬផ្កាខាត់ណាខៀវ ពន្លកផ្កាស្ពៃ និងផ្កាខាត់ណាជាដើមសុទ្ធតែមានផ្ទុកសមាសធាតុ sulfur ក៏ដូចជា indole-3-carbinol ដែលជួយកាត់បន្ថយកម្រិតនៃអ័រម៉ូន estrogen បានយ៉ាងប្រសើរ។

២. ផ្លែបឺរ

ផ្លែបឺរ គឺមានផ្ទុកនូវជាតិខ្លាញ់សុខភាពល្អដែលអាចជួយក្នុងការផលិតនូវកូឡេស្តេរ៉ូលល្អចាំបាច់នៅពេលសំយោគអ័រម៉ូន។ ហើយការសំយោគអ័រម៉ូន គឺជួយធ្វើអោយចរន្តឈាមរត់មានភាពល្អប្រសើរ ព្រមទាំងកម្រិតការបញ្ចេញអ័រម៉ូនផ្សេងៗ។ លើសពីនេះទៅទៀត ផ្លែបឺរក៏ជាប្រភពដ៏ប្រសើរនៃជាតិប៉ូតាស្យូម វីតាមីន E អាស៊ីតហ្វូលិក ជាតិសសៃ ម៉ាញ៉េស្យូម និងវីតាមីន B ដែលចាំបាច់ក្នុងការគ្រប់គ្រងកម្រិតត្រឹមត្រូវនៃអ័រម៉ូនផងដែរ។

៣. ផ្លែប៉ោម

ជាប្រភពដ៏ល្អបំផុតមួយនៃជាតិសសៃ! ក្រៅពីជួយកាត់បន្ថយកម្រិតនៃអ័រម៉ូន estrogen ហើយនោះ ការទទួលទានផ្លែប៉ោមក៏ទប់ស្កាត់ការស្រូបយកផងដែរ។

៤. ត្រីសាលម៉ុន

ត្រីសាលម៉ុនមិនត្រឹមតែផ្ដល់អត្ថប្រយោជន៍ចំពោះបេះដូងនិងខួរក្បាលប៉ុណ្ណោះទេ ប៉ុន្តែក៏មានឥទ្ធិពលល្អប្រសើរជួយក្នុងការគ្រប់គ្រងកម្រិតនៃអ័រម៉ូនផងដែរ។ ត្រីសាលម៉ុនមានផ្ទុកនូវអាស៊ីតខ្លាញ់អូមេហ្គា ៣ ដែលចាំបាច់ណាស់ក្នុងដំណើរការសំយោគកូឡេស្តេរ៉ូលនិងអ័រម៉ូន។

៥. ការ៉ុត

មានផ្ទុកសារធាតុ beta-carotene ដែលជួយកាត់បន្ថយហានិភ័យនៃជំងឺផ្សេងៗដែលបង្កឡើងដោយសារកម្រិតនៃអ័រម៉ូន estrogen ខ្ពស់ខុសធម្មតា។

៦. គ្រាប់ល្ង

ជាប្រភពនៃសារធាតុ lignans ដែលជួយរក្សាកម្រិតត្រឹមត្រូវនៃអ័រម៉ូន estrogen ក្នុងរាងកាយ។ ដូច្នេះកុំរួមបញ្ចូលគ្រាប់ល្ងក្នុងរបបអាហារប្រចាំថ្ងៃ។

៧. សណ្ដែកសៀង

ជាប្រភពដ៏ប្រសើរនៃសារធាតុ phytoestrogens ដែលជួយរារាំងការផលិតអ័រម៉ូន estrogens របស់រាងកាយ។

៨.បន្លែបៃតង

អាហារមានផ្ទុកសម្បូរទៅដោយសារធាតុចិញ្ចឹមដូចជាបន្លែបៃតងជាជម្រើសដ៏ប្រសើរសម្រាប់រក្សាតុល្យភាពអ័រម៉ូន។ ហើយក៏ព្រោះតែវាក៏មានផ្ទុកសម្បូរទៅដោយសារធាតុប្រឆាំងអុកស៊ីតកម្ម ព្រមទាំងលក្ខណៈសម្បត្តិប្រឆាំងការរលាកនិងបន្ថយស្ត្រេស ការទទួលទានបន្លែបៃតងអាចជួយគ្រប់គ្រងកម្រិតនៃអ័រម៉ូន cortisol និងតុល្យភាពនៃអ័រម៉ូន estrogen៕