ខាងក្រោមនេះ យើងខ្ញុំនឹងបង្ហាញអ្នកពីអាហារដែលអ្នកមិនគួរញ៉ាំច្រើនឡើយ ព្រោះអាចប៉ះពាល់ដល់ក្រពះ។ តើមានអ្វីខ្លះទៅ?

  1. ទឹកដោះគោអាចជួយការពារក្រពះរបស់អ្នកបាន ប៉ុន្តែប្រសិនជាអ្នកញ៉ាំខុសរបៀប នោះនឹងអាចបំផ្លាញក្រពះអ្នកវិញ។ ដូចនេះ ទឹកដោះគោ អ្នកមិនគួរពិសារក្នុងពោះទទេរទេ ព្រោះអាចធ្វើឲ្យជំងឺក្រពះអ្នកកាន់តែធ្ងន់ធ្ងរ។ បើអ្នកចង់ឲ្យវាការពារក្រពះ អ្នកគួរតែញ៉ាំក្នុងពេលដែលបរិភោគអាហាររួច។
  2. បង្អែម ជារបស់ដែលមនុស្សគ្រប់រូបចូលចិត្តពិសារ។ ប៉ុន្តែចំពោះអ្នកដែលមានជំងឺក្រពះ មិនគួរញ៉ាំច្រើននោះទេ ព្រោះសារធាតុស្ករចូលក្នុងក្រពះច្រើនពេក នឹងធ្វើឲ្យក្រពះអ្នកមិនស្រួលឡើយ។ ដូចនេះ អ្នកគួរតែកាត់បន្ថយក្នុងការបរិភោគ ទើបអាចការពារក្រពះអ្នកឲ្យមានសុខភាពល្អបាន៕