ជំងឺសសៃឈាមបេះដូងកើនឡើងជាលំដាប់មកទល់សព្វថ្ងៃនេះ ហើយកត្តាហានិភ័យចម្បងមួយនៃជំងឺនេះបណ្ដាលមកពីការកើនឡើងនូវកូឡេស្តេរ៉ូលខ្ពស់ក្នុងឈាម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ! ក៏ព្រោះអ្នកអាចទប់ស្កាត់ និងបញ្ចុះកូឡេស្តេរ៉ូលដោយគ្រាន់តែទទួលទានបន្លែ និងផ្លែឈើមួយចំនួន។ ថាតើបន្លែផ្លែឈើទាំងនោះមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងតែបន្លែផ្លែឈើដែលមានប្រសិទ្ធិភាពទប់ស្កាត់កាត់បន្ថយកម្រិតកូឡេស្តេរ៉ូលមិនល្អ ៖
១. ផ្លែបឺរ
ផ្លែឈើនេះមានផ្ទុកសម្បូរទៅដោយជាតិខ្លាញ់សុខភាពល្អនិងជាតិសសៃខ្ពស់ដែលជួយបញ្ចុះកូឡេស្តេរ៉ូលមិនល្អគួរឱ្យកត់សម្គាល់។ ដូច្នេះកុំភ្លេចរួមបញ្ចូលផ្លែឈើនេះក្នុងរបបអាហារប្រចាំថ្ងៃ។
២. ប្រេងអូលីវ
មានផ្ទុកសម្បូរទៅដោយអាស៊ីតខ្លាញ់ល្អ ពិសេស oleic acid ដែលជួយកាត់បន្ថយការរលាក ក៏ដូចជាកម្រិតកូឡេស្តេរ៉ូលទប់ស្កាត់ហានិភ័យនៃបញ្ហាស្ទះសសៃឈាម។
៣. ត្រីសាលម៉ុន
ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលល្អសម្រាប់សុខភាពនិងជួយកាត់បន្ថយកម្រិតនៃកូឡេស្តេរ៉ូលមិនល្អគួរអោយកត់សម្គាល់។ ដូច្នេះកុំភ្លេចបន្ថែមត្រីសម្បូរខ្លាញ់នេះក្នុងរបបអាហារអោយបានយ៉ាងហោចណាស់ម្ដង ឬ ពីរដងក្នុងមួយសប្តាហ៍។
៤. គ្រាប់ធញ្ញជាតិ
ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ និងអាស៊ីតខ្លាញ់ល្អ monounsaturated ដែលជួយកាត់បន្ថយកម្រិតនៃជាតិកូឡេស្តេរ៉ូលគួរឱ្យកត់សម្គាល់។ គ្រាប់ធញ្ញជាតិក៏មានប្រសិទ្ធិភាពកាត់បន្ថយការរលាក និងធ្វើឱ្យមុខងារសសៃឈាមក្នុងរាងកាយកាន់តែមានលក្ខណៈប្រសើរឡើងផងដែរ។
៥. ខ្ទឹមបារាំង និងខ្ទឹមស
មានផ្ទុកសម្បូរទៅដោយសារធាតុ flavonoid quercetin ដែលជួយទប់ស្កាត់ ក៏ដូចជាកាត់បន្ថយកម្រិតនៃកូឡេស្តេរ៉ូលមិនល្អក្នុងឈាមបានយ៉ាងប្រសើរ។ លើសពីនេះទៅទៀត ខ្ទឹមបារាំង ក៏ជាប្រភពនៃសារធាតុ sulphides ដែលជួយកាត់បន្ថយហានិភ័យនៃជំងឺមហារីកក្រពះ និងពោះវៀនធំផងដែរ។ រីឯខ្ទឹមសវិញ ជួយរក្សាសុខភាពសសៃឈាមបេះដូងល្អប្រសើរ ដោយវាមានផ្ទុកសារធាតុប្រឆាំងអុកស៊ីតកម្ម និងការរលាកដែលជួយកាត់បន្ថយបញ្ហារលាកផ្សេងៗក្នុងសសៃឈាម ក៏ដូចជាកម្រិតនៃកូឡេស្តេរ៉ូលមិនល្អ ព្រមទាំងទប់ស្កាត់ការបំផ្លាញដល់ជញ្ចាំងខាងក្នុងនៃសសៃឈាមផងដែរ។
៦. រមៀត
ការទទួលទានអាហារមានផ្ទុករមៀតជាប្រចាំក៏ផ្ដល់អត្ថប្រយោជន៍ណាស់ដែរចំពោះប្រព័ន្ធសសៃឈាមបេះដូង។ នេះក៏ព្រោះតែរមៀតជាប្រភពដ៏ប្រសើរនៃសារធាតុប្រឆាំងអុកស៊ីតកម្មដែលជួយបន្ថយកម្រិតនៃកូឡេស្តេរ៉ូលមិនល្អទប់ស្កាត់ហានិភ័យនៃជំងឺបេះដូង៕