ក្រែមបន្ទន់សក់បែបធម្មជាតិងាយនឹងធ្វើណាស់! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ? ) ត្រូវការអ្វីខ្លះទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរបៀបងាយៗដើម្បីធ្វើក្រែមបន្ទន់សក់បែបធម្មជាតិ ៖
១. រូបមន្តទឹកខ្មេះផ្លែប៉ោម
អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោម ១ ស្លាបព្រាបាយក្នុងទឹកធម្មតា ១ កែវ។ ក្រោយពីកក់សម្អាតសក់រួច ចូរលាបម៉ាស្សាទឹកល្បាយលើស្បែកក្បាលនិងសក់។ ទុកចោលសម្រាប់រយៈពេល ២ នាទីសិន សឹមលាងសម្អាតចេញ។
២. រូបមន្តប្រេងដូងនិងទឹកឃ្មុំ
អ្វីដែលអ្នកត្រូវធ្វើ គឺគ្រាន់តែលាយប្រេងដូងសុទ្ធពី ៣ ទៅ ៤ ស្លាបព្រាបាយជាមួយទឹកឃ្មុំ ២ ស្លាបព្រាបាយ។ ក្រោយពេលកក់សម្អាតសក់រួច លាបម៉ាស្សាល្បាយលើស្បែកក្បាលនិងសើមដែលសើម។ ទុកចោលសម្រាប់រយៈពេល ៣០ នាទី សឹមលាងសម្អាតចេញ។
៣. រូបមន្តផ្លែចេក
អ្វីដែលអ្នកត្រូវធ្វើ គឺគ្រាន់តែកិនលាយចេកទុំ ១ ផ្លែ ជាមួយទឹកឃ្មុំ ៣ ស្លាបព្រាបាយ ទឹកដោះគោស្រស់ ៣ ស្លាបព្រាបាយ ប្រេងអូលីវ ៣ ស្លាបព្រាបាយ និងស៊ុត ១ គ្រាប់ ឱ្យសព្វចូលគ្នា។ លាបល្បាយលើសក់និងទុកចោលសម្រាប់រយៈពេលពី ១៥ ទៅ ៣០ នាទីសិន សឹមលាងសម្អាតចេញ៕
