ភាគច្រើននៃពួកយើងប្រហែលជាមិនធ្លាប់ដឹងទេថាអាហារមួយចំនួនមានប្រសិទ្ធភាពប្រយុទ្ធប្រឆាំងការរលាក កាត់បន្ថយអាការៈឈឺចាប់ ពង្រឹងប្រព័ន្ធភាពស៊ាំ ហើយជួយឱ្យឆ្អឹងរឹងមាំ។ ថាតើអាហារទាំងនោះមានអ្វីខ្លះទៅ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប្រសិនបើអ្នកមានបញ្ហារលាកសន្លាក់ ឬឈឺសន្លាក់ចូរព្យាយាមរួមបញ្ចូលអាហារមួយចំនួនដែលវេបសាយសុខភាព Health.com.kh នឹងបង្ហាញជូនខាងក្រោមនេះក្នុងរបបអាហារប្រចាំថ្ងៃ ៖

១​. ផ្លែចេក

ជាប្រភពដ៏ប្រសើរនៃជាតិម៉ាញ៉េស្យូម និងប៉ូតាស្យូម ដែលមានប្រសិទ្ធិភាពជួយបង្កើនដង់ស៊ីតេឆ្អឹង។ លើសពីនេះទៅទៀត ជាតិម៉ាញ៉េស្យូម ក៏អាចជួយបំបាត់ការឈឺចាប់ផងដែរ ប្រសិនបើអ្នកមានបញ្ហារលាកសន្លាក់ធ្ងន់ធ្ងរ។

២. ត្រីសាលម៉ុន

ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ដែលបន្ថយអាការៈហើមសន្លាក់ ព្រមទាំងបញ្ហារឹងសន្លាក់ពិសេសកំឡុងពេលព្រឹក។

៣. តែបៃតង

ជាប្រភពដ៏ប្រសើរនៃសារធាតុ polyphenols ដែលមានលក្ខណៈសម្បត្តិប្រយុទ្ធប្រឆាំងការរលាកប្រកបដោយប្រសិទ្ធិភាពខ្ពស់។ ដូច្នេះដើម្បីជៀសផុត ក៏ដូចជាកាត់បន្ថយហានិភ័យនៃជំងឺរលាកសន្លាក់ ចូរទទួលទានតែបៃតងជាប្រចាំ។

៤. រមៀត

រមៀតមានផ្ទុកនូវសារធាតុ curcumin  ដែលមិនត្រឹមតែប្រយុទ្ធប្រឆាំងនឹងការរលាកប៉ុណ្ណោះទេ ប៉ុន្តែក៏ជួយកាត់បន្ថយការឈឺចាប់ និងការហើមគួរអោយកត់សម្គាល់ផងដែរ។

៥. ទឹកក្រូចស្រស់

ជាប្រភពដ៏ប្រសើរនៃវីតាមីន C ដែលជួយដោះស្រាយបញ្ហារលាកសន្លាក់បានយ៉ាងប្រសើរតាមរយៈការកាត់បន្ថយអាការៈហើមឈឺសន្លាក់និងចាំបាច់សម្រាប់ពង្រឹងភាពរឹងមាំនៃឆ្អឹងខ្ចី។

៦. តៅហ៊ូ

មានផ្ទុកប្រូតេអ៊ីនសណ្ដែកសៀងខ្ពស់ដែលជាអ្វីមួយទប់ស្កាត់ជំងឺពុកឆ្អឹង។ ប្រូតេអ៊ីនសណ្ដែកសៀងក៏ល្អសម្រាប់ព្យាបាលការរលាកសន្លាក់ជង្គង់ផងដែរ៕