ថ្លើម គឺជាសរីរាង្គដ៏សំខាន់មួយនៃរាងកាយដែលរវល់ជាប់ពេញមួយថ្ងៃ ហើយដំណើរការមុខងារយ៉ាងល្អឥតខ្ចោះដោយគ្មានកំហុស។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)  វាដើរតួនាទីចាំបាច់ក្នុងការរក្សាឱ្យរាងកាយក៏ដូចជាប្រព័ន្ធរំលាយអាហារមានសុខភាពល្អ។ លើសពីនេះទៅទៀតថ្លើម គឺមានមុខងារបន្សាបជាតិពុលក្នុងរាងកាយ និងរក្សាឲ្យកម្រិតនៃការរំលាយអាហារមានតុល្យភាព។ អ្វីដែលអ្នកទទួល និងទម្លាប់ផ្សេងៗរបស់អ្នក គឺសុទ្ធតែមានឥទ្ធិពលលើសុខភាពថ្លើម។ ខាងក្រោម Health.com.kh នឹងបង្ហាញនឹងបង្ហាញឱ្យដឹងពីកត្តាចម្បងៗមួយចំនួនដែលអាចបង្កើនហានិភ័យនៃជំងឺមហារីកថ្លើម ៖

១. ទទួលទានគ្រឿងស្រវឹងច្រើនលើសកម្រិត

ក្នុងកម្រិតមធ្យមគ្រឿងស្រវឹងអាចផ្ដល់អត្ថប្រយោជន៍ស្មានមិនដល់ជាច្រើនចំពោះសុខភាព ប៉ុន្តែការទទួលទានលើសកម្រិតនឹងបង្កើនហានិភ័យនៃបញ្ហាសុខភាពផ្សេងៗរួមបញ្ចូលទាំងជំងឺមហារីកថ្លើម។

២. ការជក់បារី

មិនត្រឹមតែសុខភាពសួតប៉ុណ្ណោះទេ ប៉ុន្តែការជក់បារីក៏អាចបង្កផលប៉ះពាល់ដល់សុខភាពថ្លើមផងដែរ។ ការជក់បារីជាប្រចាំអាចបណ្ដាលឱ្យយមានផលប៉ះពាល់ចំពោះសុខភាពថ្លើម ក៏ដូចជាសមត្ថភាពក្នុងការបំពេញមុខងារ។ ការជក់បារីផលិតនូវសារធាតុគីមីគ្រោះថ្នាក់ដែលបំផ្លាញកោសិកាថ្លើម និងពន្យឺតដំណើរការនៃមុខងាររបស់ថ្លើម ហើយបង្កើនហានិភ័យនៃជំងឺមហារីក។ ដូច្នេះចូរព្យាយាមបញ្ឈប់ ឬកែប្រែទម្លាប់នៃការជក់បារីរបស់អ្នក ដើម្បីរក្សាបាននូវសុខភាពល្អ។

៣. ភាពធាត់ជ្រុល

ភាពធាត់ជ្រុលក៏ប៉ះពាល់ដល់សុខភាពថ្លើមផងដែរ ដោយវត្តមាននៃជាតិខ្លាញ់ច្រើនពេកក្នុងថ្លើមអាចបង្កអោយកើតមានផលវិបាកធ្ងន់ធ្ងរផ្សេងៗ រួមទាំងជំងឺខ្លាញ់រុំថ្លើម។ ម្យ៉ាងវិញទៀតកត្តាចម្បងពីរយ៉ាងនៃការឡើងទម្ងន់ ឬធាត់ជ្រុល គឺរបបអាហារនិងរបៀបរស់នៅគ្មានសុខភាពល្អដែលផ្សារភ្ជាប់នឹងហានិភ័យនៃជំងឺមហារីកថ្លើមគួរឱ្យកត់សម្គាល់។

៤. ទទួលទានថ្នាំច្រើនពេក

មនុស្សមួយចំនួនតែងទទួលទានថ្នាំពេទ្យដោយគ្មានវេជ្ជបញ្ជា ឬការយល់ដឹងផ្នែកវេជ្ជសាស្ត្រច្បាស់លាស់ ហើយពួកគេមិនចាប់អារម្មណ៍ដឹងទេថាការធ្វើបែបនេះ គឺផ្ដល់ផលប៉ះពាល់គួរឱ្យព្រួយបារម្ភចំពោះសុខភាពថ្លើម។

៥. ជំងឺទឹកនោមផ្អែមប្រភេទទី ២

ភាគច្រើននៃពួកយើងប្រហែលជាមិនធ្លាប់ដឹងទេថា ជំងឺទឹកនោមផ្អែមប្រភេទទី ២ ផ្សារភ្ជាប់នឹងការកើនឡើងនូវហានិភ័យនៃជំងឺមហារីកថ្លើម។ នេះក៏ព្រោះតែអ្នកជំងឺទឹកនោមផ្អែមប្រភេទទី ២ ច្រើនតែធាត់លើសទម្ងន់ដែលជាលទ្ធផលនៃបញ្ហាថ្លើមផ្សេងៗ៕