ទោះបីជាភាគច្រើននៃពួកយើងសុទ្ធតែស្គាល់ប្រទាលកន្ទុយក្រពើ ប៉ុន្តែប្រហែលជាមិនធ្លាប់ដឹងអំពីអត្ថប្រយោជន៍អស្ចារ្យរបស់វាក្នុងការកម្ចាត់មុនឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ត្រូវយកមកធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញអោយដឹងពីរូបមន្តធម្មជាតិបង្កើតម៉ាសបិតមុខព្យាបាលមុនផ្សំឡើងពីប្រទាលកន្ទុយក្រពើ
១. ប្រទាលកន្ទុយក្រពើជាមួយក្រូចឆ្មារ
អ្វីដែលអ្នកត្រូវការ គឺជែលប្រទាលកន្ទុយក្រពើចំនួនពី ២ ទៅ ៣ ស្លាបព្រាបាយ និងទឹកក្រូចឆ្មារស្រស់ ២ ស្លាបព្រាបាយ។
អ្វីដែលអ្នកត្រូវធ្វើ គឺលាយជែលប្រទាលកន្ទុយក្រពើជាមួយទឹកក្រូចឆ្មារស្រស់។ កូរឱ្យសព្វក្លាយជាល្បាយខាប់ៗ។ បន្ទាប់មកត្រូវលាងសម្អាតមុខជាមួយទឹកក្ដៅឧណ្ហៗ និងផ្ដិតថ្នមៗឱ្យស្ងួតសិន។ លាបម៉ាស្សាល្បាយផ្ទៃមុខ និងទុកចោលសម្រាប់រយៈពេលយ៉ាងហោចណាស់ពី ១៥ ទៅ ២០ នាទី។ លាងសម្អាតចេញនៅពេលស្ងួត។ អនុវត្តជាប្រចាំដើម្បីព្យាបាលមុន។
២. ប្រទាលកន្ទុយក្រពើនិងទឹកឃ្មុំ
អ្វីដែលអ្នកត្រូវការ គឺជែលប្រទាលកន្ទុយក្រពើ ១ ស្លាបព្រាបាយ និងទឹកឃ្មុំ ១ ស្លាបព្រាបាយ។
អ្វីដែលអ្នកត្រូវធ្វើ គឺលាយជែលប្រទាលកន្ទុយក្រពើនិងទឹកឃ្មុំចូលគ្នា។ កូរឱ្យសព្វ សឹមលាបល្បាយលើផ្ទៃមុខ ឬផ្នែកផ្សេងទៀតនៃរាងកាយដែលទទួលរងផលប៉ះពាល់។ ទុកចោលសម្រាប់រយៈពេលយ៉ាងហោចណាស់ ២០ នាទី សឹមលាងសម្អាតចេញជាមួយទឹកក្ដៅឧណ្ហៗ។
៣. ប្រទាលកន្ទុយក្រពើនិងទឹកប៉េងប៉ោះស្រស់
អ្វីដែលអ្នកត្រូវការ គឺជែលប្រទាលកន្ទុយក្រពើ ១ ស្លាបព្រាបាយ និងទឹកប៉េងប៉ោះស្រស់ ២ ស្លាបព្រាបាយ។
អ្វីដែលអ្នកត្រូវធ្វើ គឺលាយគ្រឿងផ្សំទាំង ២ ចូលគ្នា រួជកូរឱ្យសព្វក្លាយជាល្បាយខាប់ៗ។ លាបល្បាយលើផ្នែកដែលទទួលរងផលប៉ះពាល់ដោយសារមុន។ ទុកចោលសម្រាប់រយៈពេល ២០ នាទី ឬរហូតដល់ស្ងួត សឹមលាងសម្អាតមុខចេញជាមួយទឹកត្រជាក់។ អ្នកអាចអនុវត្តរូបមន្តនេះយ៉ាងហោចណាស់ ២ ដងក្នុងមួយថ្ងៃ៕