រោង ខាល ថោះ ច និងមមី ទេវតាទ្រព្យមិនធ្វើឲ្យអ្នកក្រឡើយ

ខាងក្រោមនេះ យើងខ្ញុំនឹងបង្ហាញអ្នកពីលាភដែលឆ្នាំទាំងឡាយខាងលើអាចទទួលបានក្នុងជីវិត។ តើមានអ្វីខ្លះទៅ?

ឆ្នាំរោង

បុគ្គលដែលកើតក្នុងឆ្នាំនេះ ជាមនុស្សដែលមានចិត្តល្អ ចូលចិត្តជួយអ្នកដទៃ។​ ជាពិសេស គេជួយនរណាម្នាក់មិនត្រូវការតបស្នង ហើយក៏មិនចង់ល្បីដែរ។ ដោយសារតែបែបនេះហើយ ទើបទេវតាទ្រព្យមើលឃើញ ហើយពេញចិត្ត ដោយជួយគេជានិច្ច។

ឆ្នាំខាល

អ្នកដែលកើតក្នុងឆ្នាំនេះ នៅពេលដែលឃើញរឿងអយុត្តិធម៌តែងតែនៅមិនសុខ ហើយរត់ទៅជួយអ្នកដទៃជានិច្ច។ ជាពិសេស នៅពេលដែលមាននរណាត្រូវការជំនួយ គេនឹងចេញមុខជួយជានិច្ច។ ដូចនេះ អ្វីដែលគេអាចទទួលបានគឺទ្រព្យដែលទេវតាប្រទានឲ្យ ដោយមិនខ្វះឡើយ។

ឆ្នាំថោះ

បុគ្គលដែលកើតក្នុងឆ្នាំនេះ ចូលចិត្តសន្តិភាពណាស់ ដោយមិនចូលចិត្តកើតជម្លោះជាមួយអ្នកដទៃឡើយ។ ជាពិសេស គេមិនចូលចិត្តឃើញនរណាឈឺចាប់ ឬរបួសឡើយ ដោយគេអាចជួយអ្នកទាំងនោះជានិច្ច។ ចិត្តដែលល្អបែបនេះ នឹងអាចទទួលបានជំនួយពីទេវតាទ្រព្យក្នុងពេលណាមួយជាមិនខានឡើយ។

ឆ្នាំច

អ្នកដែលកើតក្នុងឆ្នាំនេះ ជាបុគ្គលដែលមានចិត្តស្មោះត្រង់ ដោយគេសុខចិត្តរងទុក្ខខ្លួនឯង ក៏មិនចង់ឲ្យអ្នកដទៃលំបាកដែរ។ ជាពិសេស នៅពេលដែលគេទំនេរ គេនឹងទៅធ្វើការងារស្មគ្រ័ចិត្តជានិច្ច។ ការជួយអ្នកដទៃឲ្យចៀសពីទុក្ខលំបាក នឹងធ្វើឲ្យអនាគតអ្នកល្អខ្លាំង។

ឆ្នាំមមី

អ្នកដែលកើតក្នុងឆ្នាំនេះ ជាបុគ្គលដែលមានចរិតល្អ មានចិត្តល្អ និងចូលចិត្តជួយអ្នកដទៃ។ ដោយសារតែការចេះជួយអ្នកដទៃនេះហើយ ទើបធ្វើឲ្យគេអាចដើរដល់ផ្លូវដែលអាចជួបនឹងទ្រព្យខ្ពស់។ ដូចនេះ អ្នកនឹងមិនលំបាកទៀតឡើយ៕