​ចូរ​ស្រមៃ​មើល​ទៅ​ថា តើ​នឹង​មាន​អ្វី​កើតឡើង​បើសិនជា​មាន​ផ្ទៃពោះ ហើយ​ញ៉ាំ​អាហារ​មិនមាន​ជីវជាតិ​គ្រប់គ្រាន់​ទៀត​? តើ​អ្នក​ដឹងថា​វា​ប៉ះពាល់​ដល់​កូន​ក្នុង​ផ្ទៃ​យ៉ាងណាទេ​? តាមពិតទៅ ការ​ញ៉ាំ​អាហារ​មាន​ជីវជាតិ​គ្រប់គ្រាន់​គឺជា​រឿង​សំខាន់​បំផុត​ទាំង​មុន ក្នុងពេល និង​ក្រោយពេល​មាន​ផ្ទៃពោះ​។ វា​គឺជា​វិធី​ដែល​ជំរុញ​ដល់​សុខភាព​ទាំង​ម្តាយ និង​កូន​។ យ៉ាងណាមិញ បើសិនជា​ញ៉ាំ​អាហារ​មិនបាន​គ្រប់គ្រាន់ វា​អាច​នឹង​ធ្វើឲ្យ​កូនកើត​មកមិនគ្រប់​ទម្ងន់ មាន​ជំងឺ​ពី​កំណើត​ដូចជា ពក​ឆ្អឹងខ្នង និង​កូន​អាច​ស្លាប់​ក្នុង​ផ្ទៃ​ផង​ក៏​មាន​។

​ខាងក្រោម​នេះ​គឺជា​រឿង​មួយចំនួន​ដែល​កើតមាន​ជា​ញឹកញាប់​នៅ​ពេល​ដែល​ម្តាយ​ញ៉ាំ​អាហារ​មិនបាន​គ្រប់គ្រាន់ ជាពិសេស​ជីវជាតិ​សំខាន់ៗ​ក្នុងពេល​មាន​ផ្ទៃពោះ​តែម្តង​។

  • កូន​អាច​នឹង​កង្វះ​ការលូតលាស់​គ្រប់យ៉ាង បើសិន​ជា​ម្តាយ​មិន​បាន​ញ៉ាំ​អាហារ​មាន​ជីវជាតិ​ដែល​កូន​ត្រូវការ​ទេ​
  • ​មាន​ជំងឺសរសៃប្រសាទ​ដូចជា ជំងឺ​នៅ​ឆ្អឹង​កង​ខ្នង និង​ខួរក្បាល ហើយ​ករណី​ខ្លះ​អាច​នឹង​មាន​ការពិបាក​លើ​ការរៀនសូត្រ​តែម្តង​បើ​ធ្ងន់ធ្ងរ​
  • ​ទារក​អាច​នឹង​ស្លាប់​ក្នុង​ផ្ទៃ​បើសិនជា​ម្តាយ​មិន​ឃ្លាន​អាហារ​ធ្ងន់ធ្ងរ​
  • ​ទារក​អាច​នឹង​កើត​មក​មិន​គ្រប់​ទម្ងន់ ដែល​គេ​អាច​ប្រឈម​ខ្លាំង​នឹង​ជំងឺ​រ៉ាំរ៉ៃ និង​ស្លាប់​ពេល​កើត​រួច​
  • ​ការ​ដែល​កូន​កើត​មិន​គ្រប់​ខែ​ជា​រឿង​កើតមាន​ជា​ញឹកញាប់​សម្រាប់​ម្តាយ​ដែល​កង្វះ​អាហារូបត្ថម្ភ​៕