ធ្លាប់ញ៊ា “កាំប្រម៉ាសមុទ្រ” អត់? ល្អណាស់ចំពោះសុខភាពអាចផ្ដល់អត្ថប្រយោជន៍ទាំងនេះ

ទោះបីជាចូលចិត្តនិងឧស្សាហ៍ទទួលទានកាំប្រម៉ាសមុទ្រប៉ុណ្ណាក៏ដោយ ក៏ភាគច្រើននៃពួកយើងមិនធ្លាប់ចាប់អារម្មណ៍អំពីអត្ថប្រយោជន៍ដ៏ប្រសើររបស់វាចំពោះសុខភាពឡើយ។ (អាន ៖ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ? ) ថាតើអាហារសមុទ្រនេះអាចផ្ដល់ផលល្អៗអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរព្យាយាមទទួលទានកាំប្រម៉ាសមុទ្រ ៖

១. វាជួយពង្រឹងប្រព័ន្ធភាពស៊ាំរាងកាយ

នេះក៏ព្រោះតែកាំប្រម៉ាសមុទ្រមានផ្ទុកសម្បូរទៅដោយវីតាមីន C ដែលចាំបាច់សម្រាប់ពង្រឹងប្រព័ន្ធភាពស៊ាំរាងកាយ។

២. វាជួយឱ្យអ្នកក្មេងជាងវ័យ

បរិមាណខ្ពស់នៃវីតាមីន C ក្នុងកាំប្រម៉ាសមុទ្រដែលប្រយុទ្ធប្រឆាំងរ៉ាឌីកាល់សេរីនិងជួយបង្កើនការផលិតកូឡាជែនល្អសម្រាប់រក្សាសុខភាពស្បែកក្មេងជាងវ័យ។

៣. វាជួយពង្រឹងសុខភាពភ្នែក

ក្រៅពីវីតាមីន C កាំប្រម៉ាសមុទ្រក៏មានផ្ទុកវីតាមីន A ខ្ពស់ដែលចាំបាច់សម្រាប់ពង្រឹងសុខភាពភ្នែក។

៤. វាល្អសម្រាប់ពង្រឹងសុខភាពសាច់ដុំ

កាំប្រម៉ាសមុទ្រក៏ជាប្រភពដ៏ប្រសើរនៃប្រូតេអ៊ីនគុណភាពខ្ពស់ដែលល្អសម្រាប់ពង្រឹងសុខភាពសាច់ដុំ។

៥. វាបង្កើនចំណង់ផ្លូវភេទ

បរិមាណនៃជាតិស័ង្កសីក្នុងកាំប្រម៉ាសមុទ្រជួយរាងកាយផលិតអ័រម៉ូនតេស្តូស្តេរ៉ូនដែលមានតួនាទីគ្រប់គ្រងពង្រឹងដំណើរការមុខងារផ្លូវភេទរបស់បុរសនិងស្ត្រី។ ចំពោះបុរសការទទួលទានកាំប្រម៉ាសមុទ្រជួយបង្កើនដល់បរិមាណនៃមេជីវិតឈ្មោល និងសមត្ថភាពនៃការហែល។ រីឯស្ត្រីវិញជាតិស័ង្កសីជួយដល់អូវែធ្វើឱ្យមានតុល្យភាពរវាងអ័រម៉ូន estrogen អ័រម៉ូន progesterone និងអ័រម៉ូន testosterone៕