​ការ​មក​រដូវ​ច្រើនៗ​គឺជា​បញ្ហា​ញឹកញាប់​មួយ​ដែល​កើត​ឡើង​ខ្លាំង​លើ​ស្ត្រី​ត្រៀម​រ៉ាំ​ង​រដូវ ព្រោះ​មិន​មាន​ស្ត្រី​ច្រើន​ឡើយ​ដែល​ជួប​បញ្ហា​នេះ​។ គ្រាន់តែ​មក​រដូវ​ធម្ម​តា វា​គ្រប់គ្រាន់​នឹង​ធ្វើឲ្យ​អ្នក​មិន​អាច​ធ្វើ​ការងារ​ប្រចាំ​ថ្ងៃ​បាន​ល្អ​ទៅហើយ ចុះ​ទម្រាំ​មក​រដូវ​ច្រើនៗ​ទៀត អ្នក​ពិតជា​ត្រូវ​ការជួប​ពេទ្យ​ដើម្បី​ពី​និត្យ និង​ដោះស្រាយ​វា​ហើយ​។

​ក្នុង​ករណី​ខ្លះ មូលហេតុ​ដែល​នាំឲ្យ​មក​រដូវ​ច្រើន​បែប​នេះ​គឺ​មិនទាន់​ដឹង​ឡើយ ប៉ុន្តែ​ជំងឺ​មួយចំនួន​អាច​នឹង​បង្ក​ជា​ការ​មក​រដូវ​ច្រើនៗ​បែបនេះ​ដែរ ដូចជា​៖

  • ​អតុល្យភាព​អ័រម៉ូន​
  • ​ក្រពេញ​អូវ៉ែ​ធ្វើការ​មិនល្អ​
  • ​មាន​ដុំ​សាច់​ក្នុង​ស្បូន​
  • ​មាន​ដុំ​ប៉ូ​លី​ព​ក្នុង​ស្បូន​
  • ​កង​ដាក់​ក្នុង​ស្បូន​
  • ​ការ​មាន​ផ្ទៃពោះ​មាន​ផលវិបាក​
  • ​មហារីក​
  • ជំងឺ​ឈាម​ក្រ​កក​
  • ​ការប្រើ​ថ្នាំ​មួយចំនួន​

​ការ​មក​រដូវ​ច្រើនៗ​ភាគច្រើន​បង្កឡើង​ដោយ​ការ​អតុល្យភាព​អ័រម៉ូន ដែល​នាំ​ឲ្យ​វដ្ត​រដូវ​មិន​មាន​ការ​ជ្រុះ​អូ​វ៉ុល​។ ការ​មក​រដូវ​ធម្មតា វា​នឹង​បញ្ចេញ​មេ​ជីវិត​ញី​ពី​ក្នុង​ក្រពេញ​អូ​វ៉ែ ហើយ​ក៏​ភ្ញោ​ច​ឲ្យ​រាងកាយ​ផលិត​អ័រម៉ូន​ប្រូជេ​ស្តេ​រ៉ូន សម្រាប់​ទទួលខុសត្រូវ​លើ​ការ​មក​រដូវ​ទៀងទាត់​។ នៅពេល​មិន​មាន​ការ​ជ្រុះ​មេ​ជីវិត​ញី​ទេ អ័រម៉ូន​ប្រូជេ​ស្តេ​រ៉ូ​នក៏​មិន​គ្រប់គ្រាន់ ហើយ​ក៏​បណ្តាលឲ្យ​មក​រដូវ​ច្រើនៗ​តែម្តងទៅ​៕