ព្រូន ឬប៉ារ៉ាសិត រស់នៅក្នុងរាងកាយស្តាប់មើលទៅទំនងជាគួរឲ្យខ្លាចណាស់ ប៉ុន្តែរឿងនេះកំពុងតែកើតឡើងញឹកញាប់ណាស់ ហើយក៏ច្រើនជាងអ្វីដែលអ្នកគិតដែរ។ ជំងឺភាគច្រើនច្រើនតែមិនបានធ្វើរោគវិនិច្ឆ័យបានពេញលេញទេ ហើយហេតុផលមួយនៅពីក្រោយរឿងនេះគឺដោយសារតែពួកគេមិនបានដឹងថា ខ្លួនកំពុងតែមានព្រូនរស់នៅក្នុងរាងកាយតែម្តង។
ជាអកុសល្យ មានពេលវេលាច្រើនណាស់ដែលប៉ារ៉ាសិតក្នុងខ្លួនមិនបង្កជារោគសញ្ញាអ្វីទាំងអស់។ ពេលខ្លះទៀត អ្នកជំងឺគ៏អាចមានអារម្មណ៍ថាមិនស្រួលខ្លួន និងត្រូវការប្រើថ្នាំច្រើន ថ្នាំចិត្តសាស្ត្រ ដោយមិនដឹងថារឿងនេះបង្កឡើងដោយប៉ារ៉ាសិតសោះ។
ដូច្នេះតើអ្នកធ្វើម៉េចទៅទើបដឹងថាក្នុងខ្លួនមានព្រូនទៅ? ខាងក្រោមនេះគឺជាវិធីរកពួកវាហើយ៖
ស្រកទម្ងន់
បើសិនជាអ្នកមានពពួកព្រូនសំប៉ែត ឬអៀន អ្នកនឹងមានអារម្មណ៍ថាឃ្លានកាន់តែច្រើន តែបែរជាស្រកទម្ងន់ទៅវិញ។
អស់កម្លាំង
ដោយសារតែព្រូនច្រើនតែស៊ីអាហារដែលអ្នកញ៉ាំ ដូច្នេះរាងកាយពិតជាមិនអាចបឺតស្រូបជីវជាតិចេញពីអាហារទាំងនោះបានឡើយ។ ដូច្នេះហើយ អ្នកនឹងមានអារម្មណ៍ថាអស់កម្លាំង និងខ្សោយជាមិនខាន។ ពពួកព្រូននៅពោះវៀនក៏ផលិតជាជាតិពុលជាច្រើនរបស់វាដែរ ដូច្នេះសរីរាង្គក្នុងពោះនឹងពិបាកក្នុងការបញ្ចេញកាកសំណល់ណាស់ ព្រមទាំងបង្កជាលទ្ធផលអស់កម្លាំងស្ទើរតែគ្រប់ពេលតែម្តង។ សរុបមក បើសិនជាអ្នកគេង និងញ៉ាំធម្មតា តែមានអារម្មណ៍អស់កម្លាំង ចូរពិគ្រោះជាមួយគ្រូពេទ្យទៅ។
កង្វះគ្រាប់ឈាម
ដូចអ្វីដែលខ្ញុំបានបញ្ជាក់ពីខាងលើអញ្ជឹង ព្រូនវានឹងស៊ីជីវជាតិដែលមានក្នុងអាហារដែលយើងញ៉ាំ ហើយភាគច្រើន នឹងបណ្តាលឲ្យអ្នកជំងឺទៅជាកង្វះជាតិដែក។ ក្មេងដែលខ្វះជាតិដែកនឹងមានការលូតលាស់យឺត ព្រមទាំងស្រកទម្ងន់ទៀតផង។
បញ្ហានៅស្បែក
ព្រូនក៏អាចបណ្តាលឲ្យកើតជំងឺស្បែក កន្ទួលរមាស់ តាអក និងទម្រងនៃជំងឺអាឡែហ្ស៊ីផ្សេងៗដែរ ដោយសារតែជាតិពុលដែលវាបញ្ចេញទៅក្នុងខ្លួនយើងតែម្តង។ បើសិនជាអ្នកមានបញ្ហាស្បែកដោយគ្មានមូលហេតុ ព្រមទាំងបញ្ហានៅសក់ទៀតនោះ ជាពិសេសជ្រុះសក់ និងសក់ពុកផុយ វាគួរតែដល់ពេលពិគ្រោះជាមួយគ្រូពេទ្យហើយ ព្រោះពេលនេះរាងកាយអ្នកពោរពេញទៅដោយព្រូនហើយ។
រមាស់រន្ធគូថ
ការដែលមិនស្រួលនៅរន្ធគូថច្រើនតែបណ្តាលមកពីព្រូនញី ព្រោះវាត្រូវទម្លាក់ពងនៅកន្លែងនេះ ហើយភាគច្រើនកើតឡើងនៅពេលយប់តែម្តង។ បើសិនជាអាការៈនេះមិនបាត់ទៅវិញក្នុងរយៈពេលពីរសប្តាហ៍ក្រោយទេ ចូរពិគ្រោះជាមួយគ្រូពេទ្យភ្លាម។
ប្រព័ន្ធភាពស៊ាំនឹងដើរតួនាទីយ៉ាងធំមួយក្នុងការកំណត់ថាតើអ្នកមានព្រូនក្នុងខ្លួន ឬអត់។ មានជំនឿមិនត្រឹមត្រូវច្រើនណាស់អំពីព្រូនថា វាកើតឡើងតែក្នុងប្រព័ន្ធរំលាយអាហារទេ។ ប៉ុន្តែភាគច្រើនក៏អាចបណ្តាលឲ្យមានបញ្ហាផ្លូវចិត្តដែរ ដូចជា បាក់ទឹកចិត្ត និងថប់អារម្មណ៍។ នេះដោយសារតែ ពោះវៀន និងខួរក្បាលមានទំនាក់ទំនងគ្នាយ៉ាងស្អិតរមួត។ ជាតិពុលដែលបញ្ចេញដោយព្រូនអាចបណ្តាលឲ្យប្រព័ន្ធសរសៃប្រសាទមានបញ្ហាបាន។ បើសិនជាអ្នកធ្លាប់មានបបញ្ហាផ្លូវចិត្តជាមួយគ្នានឹងអាការៈជាច្រើនក្នុងក្រពះពោះវៀន ចូរស្វែងរកការពិគ្រោះ និងព្យាបាលពីគ្រូពេទ្យភ្លាម៕
