​វត្ថុ​ចូលទៅក្នុង​ត្រចៀក​អាច​បណ្តាលអោយ​ឈឺ និង​បាត់​បង់ការ​លឺ​បាន​។ ជាធម្មតា អ្នកនឹង​ដឹង​ប្រសិនបើ​មាន​វត្ថុ​មួយ​ធ្វើអោយ​ស្ទះ​ក្នុង​ត្រចៀក​របស់​អ្នក​នោះ​, ប៉ុន្តែ​ចំពោះ​កុមារ​តូច​វិញ មិន​បាន​ប្រុងប្រយ័ត្ន​អំពី​បញ្ហា​នេះ​ទេ​។​

​ប្រសិន​បើ​វត្ថុ​មួយ​ក្លាយជា​នៅក្នុង​ត្រចៀក​របស់​អ្នក​, សូម​ធ្វើ​តាម​របៀប​ខាងក្រោម​នេះ​៖

  • សូម​កុំ​ពិនិត្យ​ត្រចៀក​ដោយ​ប្រើ​ឧបករណ៍ៈ កុំ​ព្យាយាម​យក​វត្ថុ​ដែល​នៅក្នុង​ត្រចៀក​ចេញ​ដោយ​ការប្រើប្រាស់​សំឡី​ត្បាល់ ឬ​ប្រដាប់​ចាប់ ឬ​អ្វី​ផ្សេង​ទៀត​។ ការ​ធ្វើ​របៀប​នេះ​គឺជា​ហានិភ័យ​ក្នុងការ​រុញ​វត្ថុ​ចូលទៅ​ក្នុង​ត្រចៀក​រឹតតែ​ជ្រៅ និង​ធ្វើអោយ​ខូច​ត្រចៀក​កណ្តាល​ទៀតផង​
  • សូម​យក​វត្ថុ​ដែល​នៅក្នុង​ត្រចៀក​ចេញ​ប្រសិនបើ​អាចៈ ប្រសិនបើ​អ្នក​មើល​ឃើញ​វត្ថុ​នោះ​ច្បាស់​, ងាយ​យកបាន និង​អាច​ត្រូវបាន​យក​បាន​ដោយ​ស្រួល​ដោយ​ដង្កៀប​គាប​សក់​នោះ​, សូម​យក​វា​ចេញ​ថ្នមៗ​
  • ព្យាយាម​ប្រើ​មធ្យោបាយ​នៃ​ការ​ផ្អៀងៈ សូម​ផ្អៀង​ក្បាល​ទៅ​ខាង​ត្រចៀក​ដែល​វត្ថុ​ត្រូវបាន​ចូល​ដើម្បី​សាកល្បង​ក្នុង​ការអោយ​ធ្លាក់​វត្ថុ​ចេញមកក្រៅ​
  • សូម​ប្រើ​ប្រេងៈ ប្រសិន​បើ​វត្ថុ​នោះ​គឺជា​សត្វល្អិត​, ផ្អៀង​ក្បាល ដូចនេះ​ត្រចៀក​ដែល​មាន​សត្វល្អិត​ឡើង​មក​លើ​។ ព្យាយាម​ធ្វើ​អោយ​សត្វល្អិត​អណ្តែត​ឡើង​លើ​ដោយ​ដាក់​សារធាតុ​រាវ​ដូចជា ប្រេង​អូ​លីវ​ជាដើម​ទៅក្នុង​ត្រចៀក​។ ប្រេង​គួរតែ​ក្តៅ​ល្មម ប៉ុន្តែ​មិន​ក្តៅ​នោះទេ​។ នៅពេល​ដែល​អ្នក​ចាក់​ប្រេង​, អ្នក​អាច​បន្ថយ​ការចូល​របស់​ប្រេង​ដោយ​តម្រង់​ទៅលើ​បំពង់​ត្រចៀក​។ ទាញ​ស្លឹក​ត្រចៀកថ្នមៗ​ទៅក្រោយ ហើយ​ទាញ​ឡើង​លើ​ចំពោះ​មនុស្ស​ធំ ឬ​ទាញ​ទៅក្រោយ ឬ​ទៅ​ក្រោម​ចំពោះ​កុមារ​។ សត្វល្អិត​គួរតែ​ស្លាប់ និង​អាច​អណ្តែត​ដោយ​ប្រេង​នោះ​ពេល​ដែល​ផ្អៀង​ត្រចៀក​មកវិញ​។ សូម​កុំ​ប្រើ​ប្រេង​ទៅលើ​វត្ថុ​អ្វី​ក្រៅពី​សត្វល្អិត​អោយសោះ​។ សូម​កុំ​ប្រើ​មធ្យោបាយ​នេះ​ប្រសិនបើ​សង្ស័យ​ថា​ត្រចៀក​របស់​កុមារ​ធ្លាយ​, ឈឺ​, ហូរឈាម ឬ​មាន​ខ្ទុះ​នៅក្នុង​ត្រចៀក​នោះ​។​


​ប្រសិនបើ​មធ្យោបាយ​ទាំងនេះ​មិន​ធ្វើអោយ​អ្នកជំងឺ​បាន​ធូរស្រាល តែ​បន្ត​មាន​ការឈឺ​ត្រចៀក​, ថយ​ចុះ​ការ​ស្តាប់លឺ ឬ​មាន​អារម្មណ៍​មាន​វត្ថុ​នៅក្នុង​នោះ​ខ្លាំង​ជាមុន​ទៅ​វិញ​នោះ​, សូម​ទៅ​ជួប​នឹង​គ្រូពេទ្យ​៕