ចង់ទប់ស្កាត់អាការៈឈឺបំពងកមិនមែនជារឿងពិបាកឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណា? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដើម្បីរក្សាសុខភាពបំពង់កល្អប្រសើរ ៖
១. ការពារបំពង់កពីសីតុណ្ហភាពទាប
នៅពេលអាកាសធាតុប្រែជាចុះត្រជាក់ ឬចាប់ផ្ដើមធ្លាក់ខ្យល់ នោះអ្នកគួរចាប់ផ្ដើមប្រើប្រាស់កន្សែងបង់កដើម្បីការពារបំពង់ការពីភាពត្រជាក់។
២. ធ្វើការសម្អាតច្រាសដុសធ្មេញឱ្យបានស្អាតត្រឹមត្រូវជាប្រចាំ
មួយក្នុងចំណោមមូលហេតុទូទៅបំផុតនៃការឆ្លងមេរោគក្នុងបំពង់ក គឺអ្វីដែលអ្នកប្រើប្រាស់សម្រាប់សម្អាតក្នុងមាត់។ ដូច្នេះដើម្បីជាការប្រសើរមុននឹងប្រើប្រាស់ច្រាសដុសធ្មេញនៅពេលព្រឹក ចូរជ្រលក់ត្រាំវាក្នុងទឹកក្ដៅ ១កែវដែលលាយអំបិល ១ ស្លាបព្រាបាយ
ឱ្យបាន ១ នាទីសិន។
៣. ខ្ពុរមាត់ជាមួយទឹកអំបិលក្ដៅឧណ្ហៗ
នៅក្រោយពេលដុសសម្អាតធ្មេញមុនចូលគេង ចូរកុំភ្លេចខ្ពុរសម្អាតមាត់ជាមួយទឹកអំបិលក្ដៅឧណ្ហៗសិន បន្ទាប់មកសឹមប្រើប្រាស់ទឹកខ្ពុរមាត់។ វិធីនេះអាចជួយទប់ស្កាត់អាការៈឈឺបំពង់កបានយ៉ាងប្រសើរ។ ក្នុងករណីអ្នកកំពុងឈឺបំពង់កស្រាប់នោះ ចូរព្យាយាមខ្ពុរមាត់ជាមួយទឹកអំបិលក្ដៅឧណ្ហៗឱ្យបានពី ២ ទៅ ៣ ដងក្នុងមួយថ្ងៃ។
៤. ចៀសវាងប្រើប្រាស់កែវ ឬដបទឹករួមជាមួយអ្នកដទៃ
ការប្រើប្រាស់កែវ ពែង ឬដបទឹករួមជាមួយនរណាម្នាក់ដែលកំពុងឈឺបំពង់ក ឬឆ្លងមេរោគក្នុងបំពង់កងាយនឹងធ្វើឱ្យបំពង់កអ្នកឆ្លងវីរុសបាក់តេរីនោះដែរណាស់។ ពិសេសប្រសិនបើអ្នកមានប្រព័ន្ធភាពស៊ាំរាងកាយខ្សោយ។
៥. ទទួលទានតែខ្ញីលាយទឹកឃ្មុំ
ខ្ញីមានផ្ទុកលក្ខណៈសម្បត្តិប្រឆាំងការរលាកដែលជួយទប់ស្កាត់និងសូម្បីតែព្យាបាលបំពង់កដែលកំពុងឈឺ។ ការក្រេបតែខ្ញីលាយទឹកឃ្មុំអាចជួយការពារបំពង់ក ព្រមទាំងទប់ទល់រោគសញ្ញាផ្សេងៗនៃបញ្ហាឈឺបំពង់កបានយ៉ាងប្រសើរ៕