​សម្រាប់​រដូវក្តៅ គឺជា​ពេលវេលា​មួយ​ដែល​អាច​ធ្វើឲ្យ​ទារ​កតូចៗ​មាន​អារម្មណ៍​ថា​មិន​មាន​ផា​សុកភាព​ល្អ​ទេ​។ ដំបូង​ឡើយ គឺ​ក្តៅ ហើយក៏​អាច​កើត​ជា​ការ​រមាស់​ស្បែក ស្បែក​ទៅជា​ក្រហម និង​រលាក​ថែមទៀត​ផង ដែល​ជាហេតុ​នាំ​ឲ្យ​កូន​តូចៗ​ខឹង និង​ឧស្សាហ៍​យំ​ច្រើន​ខុស​ធម្មតា​។ បើសិន​ជា​កូន​អ្នក​កំពុងតែ​មាន​បញ្ហា​ឡើង​កន្ទួលរ​មាស់​នៅ​រដូវក្តៅ យក​ល្អ​គួរតែ​ស្វែងរក​ដំណោះស្រាយ​ដូចខាងក្រោម​នេះ​៖

  • ​ចូរ​ឲ្យ​កូន​ស្លៀក​សម្លៀកបំពាក់​ធូរៗ និង​រលង់ៗ ដើម្បី​កុំឲ្យ​មាន​ការកកិតលើ​ស្បែក​ច្រើន និង​ធ្វើឲ្យ​កន្លែង​កន្ទួល​នោះ​ឈឺ​កាន់តែខ្លាំង​។
  • ​ចូរ​ចៀសវាង​ការប្រើ​ម្សៅ​ដែល​មាន​ក្លិនក្រអូប ព្រោះ វា​មាន​សារធាតុ​ដែល​អាច​មាន​ប្រតិកម្ម​នឹង​ស្បែក​ទារក ហើយ​ក៏​ធ្វើឲ្យ​ស្បែក​ងាយ​ស្ងួត​ផងដែរ​។​
  • ​កុំ​ភ្លេច​ឲ្យ​កូន​ងូតទឹក​រាល់ថ្ងៃ ជា​ពិសេស​ក្រោយពី​គេ​រត់​លេង​ពេញ​មួយ​ថ្ងៃ​ទាំង​ក្នុង​ផ្ទៃ និង​ក្រៅ​ផ្ទះ ព្រោះ​សំណើម​ចេញពី​ញើស​អាច​ធ្វើឲ្យ​ស្បែក​គេ​ងាយ​នឹង​រលាក​ខ្លាំងណាស់​។ យក​ល្អ​គួរតែ​ងូតទឹក​គេ​ឲ្យបាន​ពីរ​ដង​ក្នុង​មួយ​ថ្ងៃ​។
  • ​ចៀស​ឲ្យ​ឆ្ងាយ​ពី​ការប្រើ​សាប៊ូ និង​ឡូ​សិន​ដែល​មាន​ក្លិន​ក្រអូប ព្រោះ​ផលិតផល​ទាំងនេះ​មិន​ល្អ​សម្រាប់​ទារក​ដែលមាន​ស្បែក​ឡើង​កន្ទួលរ​មាស់​ឡើយ​។
  • បើសិនជា​ដោះស្រាយ​បញ្ហា​មិន​ទាន់​បាន ហើយ​អាការៈ​កាន់តែ​ធ្ងន់ធ្ងរ​ទៅ​នោះ យក​ល្អ​គួរតែ​នាំ​គេ​ទៅ​ជួប​ពេទ្យ​ជំនាញ​ខាង​រោគ​កុមារ​ដើម្បី​ដោះស្រាយ​៕