ថ្នាំគ្រាប់វីតាមីនចម្រុះពិតជាមិនមានអ្វីសំខាន់សម្រាប់ក្មេងៗដែលមានសុខភាពល្អ ហើយលូតលាស់ធម្មតាឡើយ។ អាហារគឺជាប្រភពនៃជីវជាតិដ៏ល្អបំផុត។ ការញ៉ាំអាហារទៀងទាត់នឹងផ្តល់ជីវជាតិទាំងអស់ដែលក្មេងៗទាំងនេះត្រូវការ។
ខណៈពេលដែលក្មេងៗជាច្រើនញ៉ាំអាហាររើសក៏ពិតមែន តែមិនមែនមានន័យថាពួកគេនឹងខ្វះអាហារូបត្ថម្ភឡើយ។ អាហារជាច្រើនដូចជា ទឹកដោះគោ និងទឹកក្រូចច្របាច់មានជីវជាតិសំខាន់ៗច្រើនណាស់ដូចជា វីតាមីន B, D កាលស្យូម និងជាតិដែកផងដែរ។ ដូច្នេះ កូនក្មេងប្រហែលជាទទួលបានជីវជាតិច្រើនជាងការគិតរបស់អ្នកទៅទៀត។
លើសពីនេះទៅទៀត ថ្នាំវីតាមីនចម្រុះអាចប្រឈមនឹងបញ្ហាបាន ជាពិសេសពេលប្រើលើសកម្រិត។ ថ្នាំវីតាមីន និងជាតិរ៉ែមួយចំនួនអាចនឹងមានប្រតិកម្មនឹងថ្នាំផ្សេងទៀតដែលកូនអ្នកញ៉ាំផង។
ទោះបីជាយ៉ាងណាក៏ដោយ ថ្នាំគ្រាប់វីតាមីនចម្រុះអាចនឹងមានប្រយោជន៍ចំពោះកូនអ្នកបើសិនជាពួកគេ៖
- មានការលូតលាស់រាងកាយ និងធំធាត់យឺតយ៉ាវ
- មានជំងឺរ៉ាំរ៉ៃ ឬអាឡែហ្ស៊ីនឹងអាហារ
- ត្រូវការតាមអាហារ និងញ៉ាំតែបន្លែ៕