ការ​គ្រេច ឬ ថ្លស់​ឆ្អឹង គឺជា​ការរង​បួស​មួយ​ដែល ផ្នែក​នៅ​ខាង​ចុង​របស់​ឆ្អឹង​អ្នក ត្រូវបាន​បង្ខំ​អោយ ឃ្លាត​ចាក ពី​ស្ថានភាព​ជា​ធម្មតា​របស់​វា​។ មូលហេតុ​ជាទូទៅ នៃ​ការរង​ការប៉ះទង្គិច​នេះ គឺ​កើតមាន ដោយសារ តែ​ការ​ដួល​, ការ​រង​គ្រោះថ្នាក់​ដោយ​ខ្លួនឯង ឬ ការ​ជល់​ទង្គិច​នឹង​អ្វីមួយ ក្នុងអំឡុងពេល នៃ​ការធ្វើ​សកម្ម ភាព​កីឡា​ក្នុង​កម្រិត​ខ្លាំងក្លា​ណាមួយ​។​

    ចំពោះ​មនុស្ស​ពេញវ័យ ផ្នែក​ជា​ទូទៅ​ភាគច្រើន ដែល​ត្រូវបាន​ទទួល​ការ​គ្រេច​ថ្លស់​ឆ្អឹង​នោះ​គឺ នៅត្រង់ ស្មា​។ ចំពោះ​កុមារ គឺ​ច្រើន​ស្ថិតនៅត្រង់​កែងដៃ​។ ជាធម្មតា ការ​គ្រេច​ឆ្អឹង ច្រើន​កើត រួមមាន ជាមួយនឹង សន្លាក់​ធំៗ របស់​រាងកាយ​។ ដោយសារ​ស្ថានភាព​របស់​វា នៅ​លើ​ដៃ​របស់​អ្នក តែ​ទោះជា យ៉ាងណាក៏ដោយ មេដៃ​របស់​អ្នក ក៏​អាច​នឹង​ងាយ​រងគ្រោះថ្នាក់​បានដែរ ប្រសិនបើ​វា​ត្រូវបាន បត់​ជាខ្លាំង នៅក្នុង​ស្ថានភាព​មិន​ត្រឹមត្រូវ​នោះ ។​

       ការរង​របួស​នេះ នឹង​ធ្វើអោយ​មាន​ការបាត់បង់​ទ្រង់ទ្រាយ និង ធ្វើអោយ​សន្លាក់​របស់​អ្នក មិន​អាច​ធ្វើ ចលនា​បាន​ក្នុង​រយៈពេល​មួយ​ជា​បណ្តោះអាសន្ន ហើយ​វា​ក៏​អាច​ផ្តល់​ផល​អោយ​ជា ការឈឺចាប់​ភ្លាមៗ ហើយ មាន​កម្រិត​ធ្ងន់ធ្ងរ និង មានការ​ហើមប៉ោង​។ ការ​គ្រេច​ថ្លស់​ឆ្អឹង​នេះ គឺ​តម្រូវអោយ​មាន​ការ​យក​ចិត្ត ទុកដាក់​ផ្នែក​វេជ្ជសាស្ត្រ​អោយ​បាន​ភ្លាមៗ ដើម្បី​ធ្វើអោយ​ឆ្អឹង​របស់​អ្នក អាច​ត្រលប់​ទៅ​រក​ស្ថានភាព​ជាប្រ ក្រតី​របស់​វា​វិញបាន​។​

​ប្រសិនបើ​អ្នក​គិតថា ខ្លួន​អ្នក​កំពុង​មាន​ការ​គ្រេច​ថ្លស់ នៅ​នឹង​សន្លាក់ នោះ​អ្នក​៖

·         មិន​ត្រូវ​ធ្វើការ​ពន្យា​ពេល ក្នុង​ទទួលបាន​នូវ ការព្យាបាល​ថែទាំ​តាម​ផ្នែក​វេជ្ជសាស្ត្រ​នោះទេ​។ អ្នក​ត្រូវ​ស្វែងរក​ជំនួយ​ផ្នែក​វេជ្ជសាស្ត្រ នេះ​អោយបាន​ជា​បន្ទាន់​ភ្លាមៗ​នោះ ។​

 

·         អ្នក​មិន​ត្រូវ​ធ្វើ​ចលនា ទៅលើ​សន្លាក់​នោះទេ​។ រហូតដល់​ពេល​អ្នក​ទទួល​បាន​ជំនួយ អ្នក​ត្រូវ ដាក់ សន្លាក់​ដែល​រង​ការប៉ះទង្គិច អោយ​ស្ថិតក្នុង​ស្ថានភាព​មាន​លំនឹង​។ អ្នក​មិន​ត្រូវ​ព្យាយាម​ធ្វើ​ចលនា ទៅលើ​សន្លាក់​ដែល​បាន​គ្រេច ឬ បង្ខំ​វា​អោយ​ត្រលប់​ទៅ​រក​ស្ថានភាព​ដើម​វិញ​ទេ​។ វិធី​នេះ អាច បំផ្លាញ​ដល់​សន្លាក់ និង សាច់ដុំ​,​ស​សៃ​ចំណង​, សសៃប្រសាទ ឬ ស​សៃឈាម​ដែល​មាន​នៅ​ជុំវិញ នោះ​បាន​។​

 

 

·         ដាក់​ស្អំ​ទឹកកក ទៅលើ​សន្លាក់​ដែល​បាន​រងរបួស​នេះ ។ វិធី​នេះ អាច​ជួយ​កាត់បន្ថយ​នូវ​ការ​ហើម ប៉ោង ដោយ​វា​បាន​ជួយ​ធ្វើ​ការគ្រប់គ្រង​ដល់ ការ​ហូរ​ឈាម​ផ្នែក​ខាងក្នុង និង ការប្រមូលផ្តុំ​នូវ សារធាតុ​រាវ​ដែល​មាន​នៅ​ជុំវិញ និង ក្នុង​សន្លាក់​ដែល​រងរបួស​នេះ​៕