ការ​ដាច់​ស​សៃឈាម​ក្នុង​ខួរក្បាល អាច​កើតមាន​នៅពេល​ណា ដែលមាន ឈាម​ហូរ​នៅ​ខាង ក្នុង​ខួរក្បាល របស់​អ្នក ឬ នៅពេល​ដែល​លំហូរ​ឈាម​ជាធម្មតា នៅ​ក្នុង​ខួរក្បាល​របស់ អ្នក​ត្រូវបាន កកស្ទះ​។ នៅក្នុង រយៈពេល​តែ​ប៉ុន្មាន​នាទី​ប៉ុណ្ណោះ នៃ​ការបាត់បង់​នូវ សារជាតិ ចិញ្ចឹម​សំខាន់ៗ​នេះ នោះ​កោសិកា​ខួរក្បាល​ទាំងនេះ នឹង​ចាប់ផ្តើម​ងាប់ ហើយ​វា​គឺជា​ដំណើរការ មួយ ដែល​អាច​នឹង​បន្ត មាននៅ ក្នុង​រយៈពេល ជាច្រើន​ម៉ោង ក្រោយមកទៀត ។​

ស្វែងរក​ជំនួយ​ផ្នែក​វេជ្ជសាស្ត្រ​អោយបាន​ជា​បន្ទាន់​

     ការ​ដាច់​ស​សៃឈាម​ក្នុង​ខួរក្បាល គឺជា​ស្ថានភាព​គ្រោះថ្នាក់​អាសន្ន​មួយ ដ៏​ពិតប្រាកដ​។ ការផ្តល់​នូវ ការព្យាបាល​អោយបាន​កាន់តែ​ឆាប់ នោះ​កម្រិត​នៃ​ការខូតខាត​គឺហា​ក់​នឹង​ត្រូវបាន​កាត់​បន្ថយ​បាន​កាន់តែ ច្រើន​។​

​ស្ថិត​ក្នុង​ដំណាក់កាល នៃ​ការ​ដាច់​ស​សៃឈាម​ខួរក្បាល ដែល​អាច​នឹង​កើតមាន នោះ​អ្នក​ត្រូវ​សង្កេត និង ចងចាំ នូវ​សញ្ញា​ព្រមាន​ទាំងនេះ ៖

·         មុខៈ តើ​មុខ​របស់​ជនរងគ្រោះ មាន​វៀច​នៅ​ចំហៀង​ម្ខាង នៅ​ពេល​ពួកគេ​ព្យាយាម​ញញឹម​មែន ដែរ​ទេ​?

·         ដៃៈ តើ​ដៃ​របស់​ជនរងគ្រោះ​ម្ខាង មាន​សភាព​ទាប​ជាង​ម្ខាង​ទៀត​ឬ នៅពេលដែល​គេ ព្យាយាម​លើក​ពួក​វា​ទាំងពីរ​ឡើង​?

·         ការនិយាយៈ តើ​គេ​អាច​និយាយ​ប្រយោគ​ធម្មតា​មួយ ឡើងវិញ​បាន​ទេ​? តើ​ការនិយាយ​នេះ មាន​សភា​ពឡុលៗ ឬ ចម្លែក​ដែរ​ទេ​?

·         ពេលវេលាៈ ក្នុងអំឡុងពេល​នៃ​ការ​ដាច់​ស​សៃឈាម​ក្នុង​ខួរក្បាល​កើតមាន នោះ​រាល់​នាទី​សុទ្ធ តែ​ត្រូវ​បាន​កំណត់ទុក​។ ប្រសិនបើ​អ្នក​សម្គាល់​ឃើញ នូវ​សញ្ញា​មិនធម្មតា​ណាមួយ នោះ​អ្នក​ត្រូវ ប្រញាប់ ទាក់ទង​ទៅ​កាន់​ក្រុម​សង្គ្រោះ​អោយបាន ជាបន្ទាន់ ។​

សញ្ញា និង រោគ​សញ្ញា​ផ្សេងទៀត​នៃ​ជំងឺ​ដាច់​ស​សៃឈាម​ក្នុង​ខួរក្បាល​រួមមាន​ដូចជា​៖

·         មាន​ភាព​ចុះខ្សោយ ឬ ស្ពឹក​នៅ​ចំហៀង​ណាមួយ​នៃ​ដងខ្លួន នឹង​ថែមទាំង​អាច​រួមមាន នូវ​ផ្នែក​ណា មួយ​នៃ​ជើង​របស់​អ្នក​។​

·         មាន​ភាព​ងងឹត មិន​អាច​មើលឃើញ ឬ មើលឃើញ​ព្រិលៗ ជាពិសេស​កើតមាន​នៅក្នុង​ភ្នែក ណាមួយ​។​

·         មាន​ការឈឺ​ក្បាល​ធ្ងន់ធ្ងរ ដោយ​មិន​ដឹង​ពី​មូលហេតុ​ច្បាស់លាស់​។​

·         មាន​សភាព​វិលមុខ​ដែល​មិន​អាច​ធ្វើ​ការពន្យល់​បាន​, មិន​អាច​មាន​លំនឹង​បាន​ដូច​ធម្មតា ឬ ដួល​ភ្លាមៗ ជា​ពិសេស​ប្រសិនបើ​វា​កើត​រួមមាន ជាមួយនឹង​សញ្ញា ឬ រោគសញ្ញា​ណា​ផ្សេងទៀត ។​

      កត្តា​ប្រឈម​នឹង​គ្រោះថ្នាក់​នៃ​ជំងឺ​ដាច់​ស​សៃឈាម​ក្នុង​ខួរក្បាល រួមមាន​ដូចជា​៖ ការ​លើស​សម្ពាធ ឈាម​, ធ្លាប់មាន​បញ្ហា​នៃ​ការ​ដាច់​ស​សៃឈាម​ក្នុង​ខួរក្បាល​ពីមុនម​ក​,​ការជក់បារី​, មាន​ជំងឺ​ទឹកនោម​ផ្អែម និង មាន​ជំងឺ​បេះដូង​។ អត្រា​នៃ​ការ​ប្រឈម នឹង​ជំងឺ​ដាច់​ស​សៃឈាម​ក្នុង​ខួរក្បាល​នេះ គឺ​នឹង​កើន​ឡើង​ទៅ តាម​កត្តា​អាយុ​របស់​អ្នក​៕