​បើសិន​ជា​អ្នក​មាន​អារម្មណ៍​ថា​នឿយហត់ ហើយ​សង្ស័យ​ថា ខ្លួនឯង​ខ្វះ​វិតាមីន គ្រូពេទ្យ​អាច​នឹង​ធ្វើ​តេស្ត​ឈាម​ឲ្យ​ដើម្បី​រកឲ្យឃើញ​ថា រាងកាយ​អ្នក​កំពុងតែ​ខ្វះខាត​ជីវជាតិ​មួយ​ណា​ហើយ​។ ពេលខ្លះ តេស្ត​ឈាម​ទាំងនេះ​អាច​នឹង​មាន​តម្លៃ​ថ្លៃ ប៉ុន្តែ​មាន​វិធីសាស្ត្រ​ផ្សេងៗ​ទៀត​ដែល​អាច​រកឃើញ​ថា អ្នក​កំពុងតែ​ខ្វះ​ជីវជាតិ​ដែរ​។

​ខាងក្រោម​នេះ​គឺជា​អា​ការៈនៃការ​កង្វះ​វីតាមីន ៥​ប្រភេទ ដែល​វា​នឹង​បង្ហាញ​បាន​ឲ្យ​ងាយ​នៅលើ​ផ្ទៃ​មុខ​របស់​អ្នក​៖

ស្លេកស្លាំ​
បើសិន​ជា​អ្នក​សម្គាល់​ឃើញថា ផ្ទៃមុខ​កំពុងតែ​ស្លេកស្លាំង​ហើយ នោះ​វា​ជា​សញ្ញា​បញ្ជាក់ថា រាងកាយ​កំពុងតែ​ខ្វះ​វីតាមីន B12​។ កង្វះ​ជីវជាតិ​មួយ​នេះ​ក៏​ងា​ច​បណ្តាលឲ្យ​អស់កម្លាំង និង​ខ្សោយ​ការចងចាំ​ដែរ​។

មាន​បញ្ហា​សក់​ក្បាល​
បើសិន​ជា​អ្នក​កើត​អង្គែ​រ ស្បែក​ស្ងួត ហើយ​សក់​ពុកផុយ​រាល់​ថ្ងៃ​ជា​ប្រចាំ​នោះ វា​ជា​សញ្ញា​មួយ​នៃ​ការ​កង្វះ​វីតាមីន B7​។ រឿង​នេះ​ច្រើនតែ​កើតឡើង​ដោយសារ​ការប្រើ​ថ្នាំ​ផ្សះ​សម្លាប់​មេរោគ​ក្នុង​ពោះវៀន​ច្រើនពេក​។

ហើម​ភ្នែក​
បើសិន​ជា​អ្នក​យល់ថា ភ្នែក​កំពុងតែ​ហើម ហើយ​ជើង​ហើម​ថែមទៀត​នោះ វា​អាច​ជា​សញ្ញា​នៃ​ការ​កង្វះ​ជាតិ​អ៊ីយ៉ូត​ហើយ​។ អា​ការៈផ្សេងៗ​ទៀត​របស់​វា​មានដូចជា ឡើង​ទម្ងន់ ស្បែក​ស្ងួត និង​ក្រចក​ពុកផុយ​។​

បបូរមាត់​ស្លេកស្លាំង​
បើសិនជា​ក្នុង​បបូរមាត់ និង​អញ្ចាញធ្មេញ​ទៅ​ជា​ស្លេកស្លាំង នោះ​អ្នក​កំពុង​តែ​ខ្វះ​ជាតិ​ដែក​ក្នុង​ឈាម​ហើយ​។ រឿង​នេះ​ច្រើនតែ​កើតមាន​ជា​ញឹកញាប់​លើ​មនុស្ស​ស្រី​។

តឹង ឬ​ឈាម​អញ្ចាញ​ធ្មេញ​
បើសិនជា​អញ្ចាញធ្មេញ​ស្រាប់តែ​ឈឺ ហូរឈាម ឬ​ធ្មេញ​មិន​មាន​រូបរាង​ល្អ វា​អាច​បញ្ជាក់​ថា អ្នក​កំពុងតែ​ខ្វះ​វីតាមីន C ក្នុង​ខ្លួន​ហើយ​៕