មិនពិបាកឡើយ! ចង់ស្រកក្បាលពោះក្រោយសម្រាល កុំរំលងគន្លឹះទាំងនេះ

កំពុងខ្វល់ចិត្តនឹងរូបរាងក៏ដូចជាក្បាលពោះមិនស្រស់ស្អាតយារធ្លាក់ក្រោយសម្រាលកូនរួចមែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញពីគន្លឹះងាយៗចំនួន ៣ ដែលជួយឱ្យក្បាលពោះរបស់អ្នកតឹងណែនរាបស្មើស្រស់ស្អាតឡើងវិញយ៉ាងឆាប់រហ័ស ៖

១. បំបៅដោះកូន

ការបំបៅដោះកូនពិតជាអាចជួយឱ្យអ្នកស្រកទម្ងន់ដែលកើនលើសកំឡុងពេលមានផ្ទៃពោះ។ នេះក៏ព្រោះតែការបំបៅដោះកូនជួយឱ្យរាងកាយដុតបំផ្លាញកាឡូរីបានកាន់តែច្រើនជាងមុនដើម្បីផលិតទឹកដោះ។ ជាលទ្ធផលអ្នកពិតជាស្រកទម្ងន់ដែលលើស ហើយទទួលបានស្បែកតឹងណែនឡើងវិញ។

២. ធ្វើលំហាត់ប្រាណ

អ្នកមិនចាំបាច់បង្ខំខ្លួនឯងធ្វើលំហាត់ប្រាណខ្លាំងក្លាណាមួយទេពេលចាប់ផ្ដើមដំបូងឡើយគ្រាន់តែហាត់យូហ្កា ឬដើរក៏បានដែរ។ ប្រសិនបើអ្នកចង់បន្តដុតបំផ្លាញជាតិខ្លាញ់និងសម្រកទម្ងន់ដែលលើស ការដើរ គឺជាជម្រើសនៃលំហាត់ប្រាណដ៏ល្អបំផុតមួយដែលអ្នកគួររួមបញ្ចូលក្នុងសកម្មភាពប្រចាំថ្ងៃ។ អ្នកអាចនាំកូនទៅជាមួយដោយដាក់ក្នុងរទេះរុញនិងចាប់ផ្ដើមដើរសម្រាប់រយៈពេល ៣០ នាទី ឬច្រើនជាងនេះ។ ការដើរក៏ជួយបង្កើនការដុតរំលាយអាហារក្នុងរាងកាយបានយ៉ាងប្រសើរ។

៣. របបអាហារ

ការទទួលទានច្រើនកំឡុងពេលមានផ្ទៃពោះអាចជាមូលហេតុសមហេតុផលមួយដោយចាំបាច់ចំពោះទាំងកូនក្នុងផ្ទៃ ប៉ុន្តែក្រោយពេលសម្រាលហើយដើម្បីជាការប្រសើរអ្នកគួរព្យាយាមកាត់បន្ថយបរិមាណនៃការទទួលទានវិញ។ ចូរព្យាយាមជ្រើសរើសអាហារសុខភាពល្អដូចជាបន្លែនិងផ្លែឈើ ចៀសវាងអាហារកែច្នៃ។ អាហារសម្បូរប្រូតេអ៊ីនក៏អាចផ្ដល់អត្ថប្រយោជន៍ផងដែរដោយសារធាតុចិញ្ចឹមនេះក៏មានកូឡាជែនដែលចាំបាច់សម្រាប់ជួយឱ្យស្បែកតឹងណែន។ បរិមាណនៃប្រូតេអ៊ីនដែលអ្នកគួរទទួលទានអាស្រ័យលើថាតើអ្នកបានហាត់ប្រាណ ឬធ្វើសកម្មភាពច្រើនប៉ុណ្ណាក្នុងមួយថ្ងៃ កម្ពស់ រួមទាំងទម្ងន់ផងដែរ។ប្រូតេអ៊ីនកាន់តែចាំបាច់ថែមទៀតកំឡុងពេលបំបៅដោះ៕