​ការឡើង​កន្ទួល​រមាស់​ធម្មតាៗ​មិនមែន​គ្រាន់តែ​ជា​កន្ទួល​ធម្មតាៗ​ទេ​។ រាល់​បញ្ហា​ជាច្រើន​ក្នុង​ខ្លួន​ច្រើន​តែ​បង្ហាញ​អាកា​រៈថា​គ្មាន​អ្វី​គ្រោះថ្នាក់​ឡើយ​។ យ៉ាងណាមិញ ការសង្កេត​ឃើញ​អាការៈ​ទាំងអស់​ខាងក្រោ​ម​នេះ​គឺជា​គន្លឹះ​ដ៏​សំខាន់​មួយ​ក្នុង​ការបង្ការ​កុំឲ្យ​មាន​ការខូចខា​តសរីរាង្គ​ផ្សេងៗ​ក្នុង​រាងកាយ​នៅ​ថ្ងៃក្រោយ​បាន​។

ក្លិន​មាត់អាក្រក់​
ករណីបែបនេះ ភាគច្រើន​បណ្តាល​មក​ពី​ការ​ខ្សោះ​ជាតិ​ទឹក​ក្នុង​ខ្លួន ព្រោះ​មាត់​មិន​អាច​ផលិត​ទឹកមាត់​បាន​គ្រប់គ្រាន់ ជាហេតុ​នាំ​ឲ្យ​បាក់តេ​រីលូតលាស់​ខ្លាំង ទៅ​ជា​ក្លិន​មាត់អាក្រក់​តែម្តង​។

ខូច​ស្រទាប់​ការពារ​ធ្មេញ​
បើសិន​ជា​អ្នក​មាន​អារម្មណ៍​ដឹងថា​ភ្ញាក់​ពី​គេង​មក​មាន​រសជាតិ​ប្លែក​ក្នុង​មាត់ នោះ​វា​អាច​បញ្ជាក់​ថា អ្នក​ទំនងជា​មាន​បញ្ហា​ក្រពះ​ពោះវៀន​ច្រើន​ជាង​ធ្មេញ ព្រោះតែ​ស្រទាប់​ការពារ​ធ្មេញ​ត្រូវ​បាន​ខូចខាត​ដោយសារ​ការ​ចាល​ទឹក​អាស៊ីត​ពី​ក្រពះ​។

គេង​ស្រមុក​
ការ​ស្រមុក​អាច​ធ្វើឲ្យ​ការគេងមាន​ការលំបា​ក ជា​ពិសេស​អ្នក​គេង​ជិតខាង​។ តាម​ការសិក្សា​បង្ហាញថា ការ​ស្រមុក​រយៈពេល​យូរ​ក្នុងពេល​គេង អាច​ប្រឈម​ខ្ពស់​នឹង​ជំងឺ​បេះដូង​សរសៃឈាម និង​ដាច់​សរសៃឈាម​ខួរក្បាល​។

ត្រូវការ​ចូល​ក្នុង​បន្ទប់ទឹក​ច្រើនដង​
ដ​បើសិនជា​អ្នក​យល់​ថា​ខ្លួនឯង​ត្រូវការ​ចូល​បន្ទប់​ទឹកជា​ញឹកញាប់ និង​មាន​អារម្មណ៍​ថា​ស្រេកទឹក​ខ្លាំង វា​អាច​ជា​សញ្ញា​មួយ​នៃ​ជំងឺ​ទឹកនោម​ផ្អែម​ប្រភេទ​ទី​២​ហើយ​។​

ការ​បន្ទោបង់​មាន​ការប្រែប្រួល​
បើសិនជា​អ្នក​កត់សម្គាល់ឃើញ​ថា មាន​លក្ខណៈ​ខុសៗ​គ្នា​ច្រើន​ចំពោះ​រូបរាង​ខាង​ក្រៅ​របស់​លាមក ឬ​ការ​បន្ទោបង់​ញឹកញាប់​មែន​នោះ យក​ល្អ​គួរតែ​ទៅ​ជួប​ពេទ្យ​ទៅ ព្រោះ​វា​អាច​ទាក់ទង​នឹង​ជំងឺ Celiac រលាក​ពោះវៀន និង​មហារីក​ពោះវៀនធំ​ជាដើម​។​

ឃ្លាន​អាហារ​ប្រៃៗ​
ការ​ដែល​ឃ្លាន​អាហារ​ឆា ឬ​ចៀន​ច្រើន​គ្រប់ពេលវេលា អាច​បញ្ជាក់​ថា អ្នក​កំពុងតែ​ញៀន​អាហារ​មិន​ផ្តល់​សុខភាព​ហើយ​។ នៅពេល​រាងកាយ​ខ្វះ​ជាតិ​កាលស្យូម វា​អាច​ប្រាប់​ឲ្យ​យើង​ដឹង​តាមរយៈ​ការ​ឃ្លាន​អាហារ​ដែល​ប្រៃៗ​បែប​នេះ​ឯង​។

ឃ្លាន​អាហារ​ផ្អែមៗ​
បើសិន​ជា​អ្នក​ចេះ​តែ​ឃ្លាន​របស់​ផ្អែមៗ ជាពិសេស​សូកូឡា អ្នក​ប្រហែលជា​អាច​ខ្វះ​ជាតិ​ម៉ាញ៉េស្យូម​ក្នុង​ខ្លួន​ហើយ​។​

ក្តៅខ្លួន​ស្ទិញៗ​
ការ​ក្តៅខ្លួន​ស្ទិចៗ​អាច​នឹង​ងាយ​មើលរំលង​ណាស់ តែ​វា​ជា​សញ្ញា​បញ្ជាក់ថា មាន​អ្វី​មួយ​ខុស​ប្រក្រតី​ក្នុង​ខ្លួន​ដែរ ទោះបីជា​វា​មិន​ធ្ងន់ធ្ងរ​ក៏ដោយ​។ ការ​ដែល​ក្តៅខ្លួន​ស្ទិញៗ​ជាប់​រហូត​អាច​ជា​សញ្ញា​នៃ​ជំងឺ​ផ្តាសាយ ឬ​មហារីក​គ្រាប់​ឈាមស​ជាដើម​។

ស្រក​ទម្ងន់​ភ្លាមៗ​
បើសិន​ជា​អ្នក​ស្រក​ទម្ងន់​ខ្លាំង​ដោយ​មិន​ដឹង​មូលហេតុ វា​អាច​ជា​សញ្ញា​មួយ​នៃ​ជំងឺ​ផ្តាសាយ ឬ​មហារីក​។

លិង្គ​មិន​ព្រម​ឡើង​រឹង​
បើសិនជា​លិង្គ​មិន​ព្រម​ឡើង​រឹង​ជា​ញឹក​ញ៉ាប់ នោះ​វា​មិនមែន​ជា​រឿង​មួយ​ល្អ​ឡើយ ព្រោះ​អាច​ដោយសារតែ​ក្នុង​សរសៃឈាម​មាន​កំណក​ច្រើន​ដែល​ជា​ហេតុ​នាំ​ឲ្យ​លំហូ​រឈាម​ចុះខ្សោយ​។ ករណី​បែប​នេះ​អាច​ប្រឈម​កាន់តែ​ខ្ពស់​នឹង​ជំងឺ​បេះដូង​ទៀត​៕