​មានរឿង​ពីរ​យ៉ាង​ដែល​មាន​ឥទ្ធិពល​ទៅលើ​ពណ៌ និង​លក្ខណៈ​របស់​ឈាមរដូវ​នោះ​គឺ អ័រម៉ូន និង​រចនាសម្ព័ន្ធ​របស់ស្បូន​និង​មាត់ស្បូន​។​

តើ​ឈាមរដូវ​ធម្មតា​មាន​លក្ខណៈ​យ៉ាងម៉េច​ទៅ​?
លំហូរ​ឈាមរដូវ​ធម្ម​តា​គួរតែ​មាន​ពណ៌​ក្រហម​ស្រស់ ដែល​ធ្លាក់​មក​ច្រើនៗ​នៅ​រយៈពេល​ពីរ​ថ្ងៃ​ដំបូង និង​ស្រាកស្រាន្ត​ទៅវិញ​នៅ​រយៈពេល ៣ ទៅ​៤​ថ្ងៃ​ចុង​ក្រោយ​។ លំហូរ​ឈាមរដូវ​ធម្ម​តា​ក៏​មិន​មាន​កំណក​ឈាម​មក​ជាមួយ​ដែរ​។

ហេតុអ្វី​បានជា​មាន​កំណក​ឈាម​ដុំៗ​មក​តាម​ឈាមរដូវ​អញ្ចឹង​?
អតុល្យភាព​អ័រម៉ូន​
​ការ​ដែល​មាន​ចំនួន​អ័រម៉ូន​អេ​ស្ត្រូ​ជែន ឬ​ប្រូជេ​ស្តេ​រ៉ូន​ច្រើន​អាច​ជំរុញ​ដល់កា​រ​កក​របស់​ឈាម​បាន​។ អ័រម៉ូន​ដែល​មិន​មាន​តុល្យភាព ក៏​អាច​បណ្តាលឲ្យមាន​បញ្ហា​ផ្សេងៗ​ទៀត​ដែរ​ដូចជា ដុំ​សាច់​ក្នុង​ស្បូន លំហូរ​ឈាមរដូវ​ច្រើន ឈឺចាប់​បែប​រមួលៗ​ធ្ងន់ធ្ងរ មាន​ដុំ​ក្នុង​សុដន់ ជំងឺ Endometriosis និង​មហារីក​ដែល​ទាក់ទង​នឹង​អ័រម៉ូន​ផ្សេងៗ​ទៀត​។

​បញ្ហា​រចនាសម្ព័ន្ធ​
បើសិនជា​លំហូរ​ឈាមរដូវ​កើតឡើង​ធម្មតា​ចេញពី​ស្បូន វា​ពិតជា​មិនមាន​អ្វី​ដែល​ធ្វើឲ្យ​មានកំណក​ឈាមឡើយ​។ ករណី​មាន​ដុំ​សាច់​ក្នុង​ស្បូន ដែល​បណ្តាល​ឲ្យ​ស្ទះ​ដល់​លំហូរ​ឈាមរដូវ​ចេញពី​ស្បូន នោះ​ឈាម​អាច​នឹង​ដ​ក់នៅ​កន្លែង​ណាមួយ​ដែល​ជាហេតុ​នាំ​ឲ្យ​វា​ក្លាយទៅជា​កក​កបាន​។ ចំពោះ​ដុំ​សាច់​ប៉ូ​លី​ព​វិញ ក៏​អាច​បណ្តាល​ឲ្យ​ស្ទះ​ដល់​លំហូរ​ឈាម និង​បង្កើន​ការ​កកឈាម​រដូវ​បានដែរ​៕

​អ្វី​ដែល​គួរ​ធ្វើ និង​មិន​គួរ​ធ្វើ​នៅ​ពេល​មាន​កំណក​ឈាម​ក្នុង​ពេល​មក​រដូវ​ច្រើន​បែប​នេះ​៖

  1. 1. ​កាត់បន្ថយ​ការ​ញ៉ាំ​របស់​ផ្អែម​
  2. ​2. ញ៉ាំ​បន្លែ​ឲ្យបាន​ច្រើន​ដូចជា ប្រូ​ខូលី ផ្កា​ខាត់ណា និង​ស្ពៃក្តោប​ជាដើម​
  3. ​3. ចូរ​ញ៉ាំ​អាហារ​សម្បូរ​សារធាតុ Kaempferol ដូចជា ផ្លែ​ប៉ោម ទំពាំងបាយជូ​រ ប៉េង​ប៉ោះ តែ​បៃតង ខ្ទឹម​បា​រាម​ង ប្រូ​ខូលី ត្រសក់ សាឡា​ត់ សណ្តែក​ខៀវ ឬ​ស្ពៃ​ស្ពីណា​ច​
  4. ​4. ហាត់ប្រាណ​ជា​ទៀងទាត់​ដើម្បី​ផ្តល់​តុល្យភាព​ដល់​អ័រម៉ូន​វិញ​
  5. ​5. ចូរ​ទៅ​ជួប​គ្រូពេទ្យ​ដើម្បី​ធ្វើ​តេស្ត​ឈាម និង​ថត​អេកូ​បើសិនជា​មាន​ការ​ធ្លាក់ឈាម​រដូវ​ដែល​មាន​កំណក​ច្រើន ឬ​ញឹកញាប់​
  6. ​6. ចូរ​កុំ​ខ្វល់​អ្វី​ច្រើន​អី​បើសិនជា​មាន​ការធ្លាក់​កំណក​ឈាម​ម្តង​ម្កាល​៕