ខាងក្រោមនេះ យើងខ្ញុំនឹងបង្ហាញអ្នកពីរបៀបក្នុងការបោកខោក្នុងរបស់នារីដែលមិននាំជំងឺចូលមក។ តើមានអ្វីខ្លះទៅ?
ការបោកសម្អាតខោក្នុង ពិតជាសំខាន់ណាស់សម្រាប់នារីគ្រប់រូប ព្រោះបើបោកមិនត្រូវរបៀប នឹងអាចធ្វើឲ្យនារីងាយកើតជំងឺខ្លាំងណាស់។ ខោក្នុងរបស់អ្នក ត្រូវតែបោកក្រោយពេលដែលអ្នកផ្លាស់ប្តូររួច មិនគួរទុកដល់ស្អែក ឬមួយអាទិត្យក្រោយទើបបោកទេ ព្រោះវាអាចផ្ទុកមេរោគយ៉ាងច្រើនក្នុងនោះ មិនងាយបោកសម្អាតស្អាតឡើយ។ ជាពិសេស ខោក្នុងរបស់អ្នក ត្រូវតែបោកដោយឡែកពីខោអាវរបស់អ្នក មិនគួរលាយជាមួយគ្នា ហើយក៏មិនគួរប្រើម៉ាស៊ីនដើម្បីបោកដែរ ព្រោះវាសុទ្ធតែផ្ទុកមេរោគខ្ពស់ទាំងអស់។ ក្រោយពេលដែលអ្នកបោករួច អ្នកអាចយកទៅដាំក្នុងទឹកក្តៅដែលពុះចំនួនពី៥ដល់១០នាទី ដើម្បីអាចសម្លាប់មេរោគឲ្យងាប់អស់បាន៕
