ការរស់នៅក្នុងពិភពដ៏ទំនើបនាពេលបច្ចុប្បន្ននេះ អាចក្លាយទៅជារឿងមួយមានភាពតានតឹងខ្លាំងបំផុតបាន។ ដោយយោងទៅតាមអ្នកជំនាញខាងវេជ្ជសាស្ត្របានឲ្យដឹងថា ការដែលមានភាពតានតឹងក្នុងអារម្មណ៍គឺជារឿងធម្មតាទេ។ យ៉ាងណាមិញ វានឹងខុសគ្នាស្រឡះវិញបើសិនជាភាពតានតឹងនេះកើតឡើងជាប់រហូត។ កាលណាស្ត្រេសខ្លាំងពេក ហើយមិនបានព្យាបាលទៀត វាអាចនាំឲ្យប៉ះពាល់ដល់សុខភាពបាន។
អ្នកប្រហែលជាមិនបានដឹងអំពីរឿងនេះទេ ប៉ុន្តែអ្នកក៏ប្រហែលជាកំពុងតែមានភាពតានតឹង ឬស្ត្រេសនេះច្រើនណាស់ហើយ។ ខាងក្រោមនេះគឺជាអាការៈមួយចំនួនដែលអាចបញ្ជាក់បានថា អ្នកកំពុងតែរងភាពតានតឹងយ៉ាងខ្លាំងក្នុងជីវិតហើយ បើសិនជាអ្នកកំពុងតែមានបញ្ហាទាំងអស់នេះក្នុងជីវិតមែន៖
• ជ្រុះសក់ច្រើន
• ឈឺក្បាលជាញឹកញាប់
• ឈឺចាប់នៅស្មា
• គេងមិនលក់
• ឧស្សាហសុបិន្តចម្លែកបើសិនជាបានគេលក់
• ការចងចាំចុះខ្សោយ
• មានការបង្ករោគនៅផ្លូវទឹកម៉ូត្រ
• លិង្គមិនឡើងរឹង
• ឈឺចាប់ខ្លាំងក្នុងពេលមករដូវ៕
