​តើ​អ្នក​ធ្លាប់​ឆ្ងល់​ទេ​ថា តើ​បុរស​គិត​អំពី​អ្វី​ខ្លះ​ទៅ​ទាក់ទង​នឹង​ការ​មាន​ផ្ទៃពោះ​របស់​មនុស្ស​ស្រី​? បុរស​ជា​ប្តី​ទាំងអស់​សុទ្ធតែ​មាន​មធ្យោបាយ​ផ្ទាល់ខ្លួន​ក្នុង​ការទំនាក់ទំនង​ស្ត្រី​ដែល​ជា​ប្រពន្ធ​កំពុងតែ​មាន​ផ្ទៃពោះ​។ យ៉ាងណាមិញ មានរឿង ៥​យ៉ាង​ដែល​បុរស​ជា​ប្តី​តែងតែ​ជឿ​ជា​អាថ៌កំបាំង​អំពី​ការ​មាន​ផ្ទៃពោះ​របស់​ប្រពន្ធ​ខ្លួន​។

១. នាង​តែងតែ​ត្រូវ​ជា​និច្ច​
សម្រាប់​មនុស្ស​ប្រុស នេះ​គឺជា​យុទ្ធសាស្ត្រ​សម្រាប់​អាពាហ៍ពិពាហ៍​ដ៏​ជោគជ័យ​មួយ​។ រឿងនេះ​នឹង​ក្លាយទៅជា​ការពិត និង​សំខាន់ នៅ​ពេល​ពួកគេ​មានកូន​។ ដូច្នេះ​មិន​ត្រូវ​ព្យាយាម​យក​ឈ្នះ​ការឈ្លោះគ្នា​ជាមួយ​ប្រពន្ធ​អី​។ ការអត់ធ្មត់​គឺជា​គន្លឹះ​ដ៏​សំខាន់​សម្រាប់​បុរស​នៅពេល​នេះ​ឯង​។

២. ការសរសើ​គឺជា​រឿង​គ្រោះថ្នាក់​
មនុស្ស​ប្រុស​នឹង​យល់ស្រប​អំពី​រឿងនេះ​។ ទោះបីជា​ពួកគេ​ខំ​និយាយ​សរសើ​ចំពោះ​រូបរាង​ប្រពន្ធ​របស់​ខ្លួន​ក៏​ដោយ ក៏​ពួកគេ​មិន​ជឿ​ដែរ​។ រឿង​នេះ​អាច​ដោយសារតែ​អ័រម៉ូន​ជា​អ្នក​ធ្វើឲ្យ​ស្ត្រី​មាន​អារម្មណ៍​បែប​នេះ​។ ស្ត្រី​មាន​ផ្ទៃពោះ​ភាគច្រើន​គឺ​មាន​អារម្មណ៍​អវិជ្ជមាន​ចំពោះ​រាងកាយ​របស់ខ្លួន​។ ដូច្នេះ​ចូរ​ប្រុងប្រយ័ត្ន​បន្តិច​ចំពោះ​ពាក្យ​សម្តី​ដែល​អ្នក​និយាយ​ទៅកាន់​នាង​។

៣. ឃ្លាន​អាហារ​ដូច​ឆ្គួត​
ការ​ដែល​ជិត​ដល់​ពេល​ធ្វើ​ជា​ឪពុក​គេ​ហើយ​នោះ គឺ​ត្រូវ​ការបម្រើ​នូវ​សេចក្តីស្រេកឃ្លាន​របស់​ប្រពន្ធ​ជា​ញឹកញាប់​អញ្ចឹង​ហើយ​។ ដូច្នេះ​កុំ​សួរ​នាង​ថា​ពេលណា​ញ៉ាំ​ឆ្អែត​ឲ្យសោះ តែ​ត្រូវ​ផ្តល់​សេវាកម្ម​ដល់​នាង​ជាប់​ជានិច្ច​។

៤. អារម្មណ៍​មិន​ល្អ​
មនុស្ស​ប្រុស​មិន​ហ៊ាន​រអ៊ូ​អ្វី​ចំពោះ​អារម្មណ៍​មិន​ល្អ​របស់​ប្រពន្ធ​ខ្លួន​ដែល​កំពុងតែ​មាន​ផ្ទៃពោះ​ឡើយ​។ គ្មាន​នរណា​ម្នាក់​អាច​ដោះស្រាយ​ភាព​ឆ្គួតៗ​របស់​ស្ត្រី​មាន​ផ្ទៃពោះ​ក្នុង​ពេល​នេះ​បាន​ឡើយ​។ ប៉ុន្តែ​អ្វី​ដែល​អ្នក​ត្រូវ​ធ្វើ​គឺ​ជំរុញ​ដល់​អារម្មណ៍​រីករាយ​របស់​នាង និង​អត់ធ្មត់​ឲ្យបាន​ច្រើន​។

៥. មាន​អារម្មណ៍​ផ្លូវភេទ​ខ្លាំង​
ចំណង់​ផ្លូវភេទ​របស់​ស្ត្រី​មាន​ផ្ទៃពោះ​អាច​នឹង​កើន​ឡើង​ក្នុង​ពេល​ដែល​នាង​ស្ថិត​ក្នុង​ខែ​ទី​៩​ហើយ​។ យ៉ាងណាមិញ វា​មិន​អាច​ជា​ដំណឹង​ល្អ​ទាំងអស់​នោះ​ទេ ព្រោះ​អ្នកនឹង​បារម្ភ​ថា ក្រែង​ធ្វើឲ្យ​កូនឈឺចាប់​បាន​។ យ៉ាងណាមិញ អារម្មណ៍​ចង់​ផ្លូវភេទ​ខ្លាំង​នេះ​អាច​ដោយសារតែ​អ័រម៉ូន​ទេ​។ អ្វី​ដែល​អ្នក​គួរ​ធ្វើ​ចំពោះ​រឿង​នេះ​គឺ ត្រូវ​ត្រៀម​ខ្លួន​ឲ្យ​ហើយ​នៅពេល​នាង​ត្រូវការ​៕