ភាគច្រើននៃពួកយើងសុទ្ធតែស្គាល់និងធ្លាប់ទទួលទានស្រាក្រហម ប៉ុន្តែប្រហែលជាមិនដឹងទេថាក្នុងកម្រិតមធ្យម ភេសជ្ជៈនេះអាចផ្ដល់នូវអត្ថប្រយោជន៍ជាច្រើនចំពោះសុខភាព! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក្នុងកម្រិតមធ្យមក៏មានន័យថា អ្នកមិនគួរទទួលទានលើសពី ២ កែវក្នុងមួយថ្ងៃឡើយសម្រាប់បុរស ហើយក៏មិនត្រូវច្រើនជាង ១ កែវ ដែរសម្រាប់នារី។ ខាងក្រោមវេបសាយសុខភាព Health.com.kh នឹងបង្ហាញអោយដឹងពីឥទ្ធិពលវិជ្ជមាននៃការទទួលទានស្រាក្រហមក្នុងកម្រិតមធ្យម ៖ 

១. ជួយឱ្យស្រកទម្ងន់

នោះក៏ព្រោះតែសារធាតុនូវក្នុងស្រាក្រហមអាចជួយបង្កើនភាពសកម្មនៃសាច់ដុំ។ ហើយសារធាតុ Resveratrol ក៏មានប្រសិទ្ធិភាពបំលែងជាតិខ្លាញ់ពណ៌សទៅជាខ្លាញ់ពណ៌ត្នោតដែលជួយដល់ការសម្រកទម្ងន់ផងដែរ។

២. កាត់បន្ថយហានិភ័យនៃជំងឺបេះដូង

ការទទួលទានស្រាក្រហមត្រឹម ១កែវនៅពេលយប់ជាប្រចាំអាចកាត់បន្ថយកម្រិតនៃកូឡេស្តេរ៉ូលមិនល្អដែលបង្កបញ្ហានៃជំងឺបេះដូងបានយ៉ាងប្រសើរដោយស្រាក្រហមមានផ្ទុកនូវសារធាតុ Tempranillo។ 

៣. ប្រយុទ្ធប្រឆាំងនឹងការរលាកក្នុងរាងកាយ

នោះក៏ព្រោះតែស្រាក្រហមមានផ្ទុកសារធាតុម្យ៉ាងហៅថា resveratrol ជួយប្រយុទ្ធប្រឆាំងនឹងការរលាក។ ការទទួលទានស្រាក្រហមជាប្រចាំអាចកាត់បន្ថយហានិភ័យនៃជំងឺរលាកសន្លាក់គួរឱ្យកត់សម្គាល់។

៤. កាត់បន្ថយហានិភ័យនៃជំងឺភ្នែកឡើងបាយ

ស្រាក្រហមក៏ជាប្រភពដ៏ល្អបំផុតមួយនៃសារធាតុ flavonoid ដែលជួយទប់ស្កាត់ជំងឺភ្នែកឡើងបាយ រួមទាំងជំងឺភ្នែកផ្សេងៗទៀតប្រកបដោយប្រសិទ្ធិភាពខ្ពស់។

៥. ទប់ស្កាត់ជំងឺមហារីក

នោះក៏ព្រោះតែស្រាក្រហមជាប្រភពនៃសារធាតុ resveratrol និង polyphenols ដែលមានលក្ខណៈសម្បត្តិប្រយុទ្ធប្រឆាំងកម្ចាត់រ៉ាឌីកាល់សេរីដែលបង្កបញ្ហាសុខភាពផ្សេងៗក្នុងរាងកាយ រួមទាំងជំងឺមហារីក។

៦. ការពារខួរក្បាល

ស្រាក្រហមមានផ្ទុកសារធាតុ resveratrol ដែលល្អសម្រាប់សុខភាពខួរក្បាលនិងសមត្ថភាពនៃការចងចាំ។

៧. គ្រប់គ្រងជាតិស្ករក្នុងឈាម

មូលហេតុដ៏ល្អបំផុតមួយទៀតដែលអ្នកគួរចាប់ផ្ដើមទទួលទានស្រាក្រហម គឺវាជួយរក្សាស្ថេរភាពនៃកម្រិតជាតិស្ករក្នុងឈាម។ នេះក៏ព្រោះតែស្រាក្រហមមានផ្ទុកសារធាតុ resveratrol៕