ខាងក្រោមនេះ យើងខ្ញុំនឹងបង្ហាញអ្នកថាតើកូនដែលបៅទឹកដោះម្តាយ និងបៅម្សៅទឹកដោះគោ គួរតែឲ្យគេបៅទឹកបន្ថែមទេ?
កូនដែលបៅទឹកដោះម្តាយ មិនចាំបាច់ឲ្យកូនបៅទឹកបន្ថែមទេ ព្រោះក្នុងទឹកដោះម្តាយមានសារធាតុទឹកចំនួន80%ឡើងលើហើយ។ ប៉ុន្តែមានពេលខ្លះ អ្នកគួរតែឲ្យកូនបៅទឹក។ ក្រោយពេលដែលកូនត្រូវកម្តៅថ្ងៃខ្លាំង និងហែលទឹករួច អ្នកគួរតែឲ្យកូនបៅទឹក ព្រោះសារធាតុទឹកក្នុងខ្លួនកូនបានបាត់បង់ ដោយអ្នកអាចឲ្យកូនបៅទឹកចន្លោះ១០មីលីលីត្រ គឺគ្រប់គ្រាន់ហើយ។ ចំពោះកូនដែលបៅម្សៅទឹកដោះគោ អ្នកម្តាយគួរតែឲ្យកូនបៅទឹកចន្លោះពេលដែលកូនដល់ម៉ោងបៅម្សៅទឹកដោះគោ ដោយទឹកនោះគួរតែរក្សាចន្លោះ១០មីលីលីត្រដូចពេលបៅទឹកដោះម្តាយ ព្រោះបើកូនបៅទឹកច្រើនពេក អាចធ្វើឲ្យគេមិនសូវចង់បៅទឹកដោះគោ ហើយក៏អាចធ្វើឲ្យក្រលៀនរបស់កូនរងសម្ពាធផងដែរ៕