ខាងក្រោមនេះ យើងខ្ញុំនឹងបង្ហាញអ្នកពីមូលហេតុដែលធ្វើឲ្យកូនតែងខាំក្បាលដោះអ្នកម្តាយ។ ហេតុអ្វីទៅ?

តាមពិតទៅមានមូលហេតុ២ដែលធ្វើឲ្យកូនតែងខាំក្បាលដោះអ្នកម្តាយពេលដែលបៅដោះម្តងៗ។ មូលហេតុទី១ អាចមកពីទម្លាប់ដែលអ្នកម្តាយសាងឲ្យកូន។ មានអ្នកម្តាយមួយចំនួន មិនហ៊ានបង្អាក់កូនទេពេលដែលកូនខាំក្បាលដោះរបស់ខ្លួន ព្រោះខ្លាចកូនរករឿងឈប់បៅ ឬខ្លាចកូនមិនព្រមគេង ដោយសុខចិត្តទ្រាំឈឺ។ ប៉ុន្តែតើអ្នកដឹងទេថា ប្រសិនជាអ្នកបន្តឲ្យកូនខាំក្បាលដោះរហូត នោះគេនឹងមានទម្លាប់មួយនេះ។ ដូចនេះ ពេលដែលកូនខាំក្បាលដោះ អ្នកគួរតែបញ្ឈប់ឲ្យគេបៅសិន ហើយទើបឲ្យគេបៅទៀត ទើបថ្ងៃក្រោយគេមិនហ៊ានខាំទៀត។ មូលហេតុទី២  អាចមកពីគេទើបតែដុះធ្មេញ ហើយរមាស់ធ្មេញ ទើបខាំក្បាលដោះអ្នកម្តាយ។ ដូចនេះ អ្នកគួរតែទិញរបស់ផ្សេងឲ្យគេខាំ ទើបគេមិនបន្តខាំក្បាលដោះអ្នក ធ្វើឲ្យដាច់ ហើយឈឺ មិនអាចបន្តបំបៅកូនបាន៕