​ការ​ជ្រុះ​អូ​វ៉ុល​គឺជា​ពេលវេលា​មួយ​ដែល​ពង​មេ​ជីវិត​ញី​ទុំ​ត្រូវ​បាន​បញ្ចេញ​ពី​ក្នុង​ក្រពេញ​អូ​វ៉ែ ហើយក៏​អាច​ងាយ​នឹង​បង្ក​កំណើត​ជា​មួយ​មេ​ជីវិត​ឈ្មោល​បំផុត​ក្នុង​អំឡុងពេល​២​សប្តាហ​ក្រោយពេល​ចាប់ផ្តើម​។ យ៉ាងណាមិញ អ្នក​គួរតែ​ដឹង​អំពី​អា​ការៈនៃ​ការជ្រុះ​អូ​វ៉ុល​នេះ​ផង​បើសិនជា​អ្នក​កំពុងតែ​ព្យាយាម​មាន​ផ្ទៃពោះ​។ តើ​វា​មាន​អ្វី​ខ្លះ​ទៅ​?

​ការប្រែប្រួល​ទឹករំអិល​ក្នុង​មាត់ស្បូន​
​ទឹករំអិល​នៅ​មាត់ស្បូន​នឹង​ទៅ​ជា​ពណ៌​ស ស្អិត និង​អន្តាយៗ ដែល​ភាគច្រើន​ដូចគ្នា​នឹង​ស៊ុត​ស​ឆៅ​អញ្ចឹង​។ ករណី​បែប​នេះ​វា​ពិតជា​ជួយ​ឲ្យ​មេ​ជីវិត​ឈ្មោល​ងាយ​នឹង​ធ្វើដំណើរ​ទៅដល់​មេ​ជីវិត​ញី​ខ្លាំងណាស់​។

ឈឺពោះ​ផ្នែក​ខាងក្រោម​
​អ្នក​អាច​នឹង​មាន​អា​ការៈឈឺចាប់​ទាំង​នៅ​ពោះ​ផ្នែក​ខាងស្តាំ និង​ឆ្វេង អាស្រ័យ​ទៅ​តាម​ក្រពេញ​អូវ៉ែ​ដែល​ជ្រុះ​អូ​វ៉ុល​ដែរ​។

មាន​ស្នាម​អ៊ុចៗ​តិចតួច​
​ការ​ដែល​ចេញ​ស្នាម​អ៊ុចៗ​តិចតួច​នៅ​ទ្វារមាស​អាច​ដោយសារតែ​ចំនួន​អ័រម៉ូន​អេ​ស្ត្រូជែន​ចាប់ផ្តើម​ថយចុះ​ក្នុងពេលជ្រុះ​អូ​វ៉ុល​។

ក្តៅ​ខ្លួន​ពេល​សម្រាក​
​ចូរ​វាស់​សីតុណ្ហភាព​អ្នក​ទៅ​នៅ​ពេល​ព្រឹក​ឡើង​មុន​ញ៉ាំ​អាហារ ឬ​ភេសជ្ជៈ​អ្វី​ទាំងអស់​។ បើសិនជា​សីតុណ្ហភាព​ឡើង​ខ្ពស់​តិចតួច នោះ​ជា​ពេលវេលា​ដែល​អ្នក​កំពុងតែ​ជ្រុះ​អូ​វ៉ុល​ហើយ​។

ចំណង់​ផ្លូវភេទ​កើន​ឡើយ​
​ចាប់តាំងពី​មេ​ជីវិត​ញី​ត្រូវបាន​ផលិត​នៅ​ក្នុង​រាងកាយ​មក អ្នក​អាច​នឹង​មាន​ចំណង់​ផ្លូវភេទ​កាន់តែ​ខ្ពស់​ដោយសារតែ​រឿង​នេះ​ដែរ​។ មានន័យ​ថា រាងកាយ​មាន​ការត្រៀមខ្លួន​រួច​ជាស្រេច​សម្រាប់​ការបង្ក​កំណើត​។

សុដន់​តឹង​ឈឺ​តិចតួច​
​អ្នក​ទំនងជា​មាន​អារម្មណ៍​ថា​ឈឺ​ក្នុង​សុដន់​តិចតួច​រយៈពេល​ពីរ​បី​ថ្ងៃ​ក្នុងពេល​ដែល​ជ្រុះ​អូ​វ៉ុល​៕