ភាគច្រើននៃព័ត៌មានអំពីមេរោគបង្ករអោយមានមហារីកមាត់ស្បូន (Human papillomavirus HPV) គឺសំដៅលើស្ត្រី ចាប់តាំងពីមេរោគនេះដែលបង្កើនហានិភ័យក្នុងការកើតជំងឺមហារីកមាត់ស្បូន។ ប៉ុន្ដែមេរោគ HPV ក៏អាចបណ្តាលឱ្យបុរសនូវបញ្ហាសុខភាពមួយចំនួនផងដែរ។ វាពិតជាសំខាន់សម្រាប់បុរសដើម្បី យល់ពីរបៀបក្នុងការកាត់បន្ថយហានិភ័យនៃការឆ្លងមេរោគHPV ។ការឆ្លងមេរោគHPVអាចបង្កើនហានិភ័យចំពោះបុរសក្នុងការកើតជំងឺមហារីកលើប្រដាប់ភេទទោះបីជា ជំងឺមហារីកទាំងនេះគឺមិនកើតជាញឹកញាប់ក៏ដោយ។ HPV ក៏អាចបណ្តាលឱ្យកើតមានដូចជាឬស (Wart) នៅលើប្រដាប់ភេទបុរស់ ដូចគ្នាជាមួយស្ត្រីផងដែរ។
ហានិភ័យនៃការឆ្លងមេរោគ HPV នៅលើបុរស
មួយចំនួន នៃ៣០ប្រភេទរបស់HPVដែលមានទំនាក់ទំនងជាមួយជំងឺមហារីកលើប្រដាប់ភេទអាចនាំទៅរកការកើតជំងឺមហារីកនៅលើរន្ធគូទ ឬលើលិង្គបុរស។ ជំងឺមហារីកទាំងពីរប្រភេទនេះគឺកម្រនឹងកើតណាស់ជាពិសេសនៅលើបុរសដែលមានប្រព័ន្ធការពាររាងកាយមានសុខភាពល្អ។
ហានិភ័យនៃជំងឺមហារីករន្ធគូទគឺប្រហែលជាមាន១៧ដងខ្ពស់ជាងក្នុងបុរសខ្ទើយនិងនិងបុរសដែលរួមភេទទាំងជាមួយស្ត្រីផង និងទាំងជាមួយបុរស់ដូចគ្នាផងនោះបើយើងប្រៀបជាមួយនឹងបុរសដែលរួមភេទតែជាមួយនឹងស្ត្រី។ បុរសដែលមានមេរោគអេដស៍ មានហានិភ័យខ្ពស់ក្នុងការឆ្លងជំងឺមហារីកនេះ។
ប្រភេទផ្សេងទៀតនៃវីរុសHPV កម្រនឹងបង្កឱ្យមានជំងឺមហារីកនៅលើបុរសណាស់ប៉ុន្តែពួកវាអាចបណ្តាលឱ្យមានឬសនៅលើប្រដាប់ភេទ(genital warts)។ មានប្រហែលជា១ % នៃ បុរសដែលសកម្មក្នុងការរួមភេទនៅក្នុងសហរដ្ឋអាមេរិកនឹងមានឬសលើប្រដាប់ភេទ( genital warts )៕