មានកូនក្មេងជាច្រើនតែងតែចូលចិត្តលេងខ្សែភ្លើង ឬរបស់ដែលទាក់ទងនឹងភ្លើងណាស់ដូចជា រន្ធដោតភ្លើង ឬម៉ាស៊ីនទឹកក្តៅជាដើម។ដូចនេះគួរតែធ្វើដូចម្តេចទៅនៅពេលដែលកូនលេង?
- នៅពេលដែលអ្នកឃើញកូនលេង អ្នកមិនត្រូវស្រែកឱ្យគេភ្លាមនោះទេ ព្រោះវាកាន់តែធ្វើឱ្យកូនឆ្អល់ ហើយចង់លេងទៀត ដូចនេះអ្នកត្រូវតែប្រាប់គេតាមសម្រួលពីគ្រោះថ្នាក់នៃការលេងរបស់ទាំងនេះ នោះគេនឹងមិនប៉ះទៀតទេ។
- នៅពេលដែលអ្នកឃើញគេលេង ក្រៅពីត្រូវមានអារម្មណ៍ស្ងប់ មិនស្រែកដាក់កូន អ្នកត្រូវតែប្រញាប់នាំកូនចេញពីកន្លែងនោះ ហើយប្រាប់គេថា នោះជារន្ធសម្រាប់ដោតភ្លើងទេ មិនត្រូវយកដៃលូកចូលទេ ព្រោះវាអាចឆក់បាន។
- អ្នកត្រូវតែចេះបង្វែរចំណាប់អារម្មណ៍របស់កូន ដោយក្រោយពេលដែលនាំកូនចេញពីកន្លែងគ្រោះថ្នាក់ អ្នកត្រូវតែនាំកូនលេងរបស់ផ្សេង ទើបកូនមិនយំ ហើយទារទៅលេងរបស់ដែលគ្រោះថ្នាក់ទាំងនោះ។
- អ្នកត្រូវតែឧស្សាហ៍កំដរកូនលេង ព្រោះជួនកាលមកពីគេអផ្សុត ទើបគេតែងតែរករបស់ប្លែកៗមកលេង។
- ពេលខ្លះអ្នកក៏អាចឱ្យកូនសាកល្បងពីអ្វីដែលគេហៅថាគ្រោះថ្នាក់ដែរ ដោយនៅពេលដែលគេចូលចិត្តលេងម៉ាស៊ីនទឹកក្តៅ អ្នកត្រូវតែឱ្យគេសាកល្បងនូវអ្វីដែលគេហៅថាក្តៅសិន ដោយអាចឱ្យគេប៉ះចានសម្លដែលក្តៅបន្តិច នោះគេនឹងដឹងពីអារម្មណ៍ដែលក្តៅ នោះគេនឹងមិនចង់លេងទៀតទេ៕