មឺមការ៉ុតប្រហែលជាមិនមែនអាហារដ៏ស្រស់ស្អាតទេ តែការញ៉ាំវាអាចផ្តល់ជាប្រយោជន៍ចំពោះសុខភាពជាច្រើនបានដូចជា៖(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
បន្ថយការប្រឈមនឹងមហារីក
តាមការសិក្សាមួយបានរកឃើញថា សារធាតុ Alphacarotene និង Bioflavonoids ក្នុងមឺមការ៉ុតមានជាប់ទាក់ទងនឹងការថយចុះការប្រឈមនឹងជំងឺមហារីក ជាពិសេសមហារីកសួតតែម្តង។ ប៉ុន្តែការញ៉ាំថ្នាំបំប៉នប្រភេទ Carotenoids ជាង Beta-carotene អាចមានគ្រោះថ្នាក់សម្រាប់អ្នកជក់បារីបាន។
ថែរក្សាភាពមើលឃើញច្បាស់របស់ភ្នែក
បើសិនជាឪពុកម្តាយអ្នកប្រាប់ថា ញ៉ាំការ៉ុតជួយឲ្យភ្នែកមើលឃើញកាន់តែច្បាស់ នោះគឺជារឿងត្រឹមត្រូវហើយ។ មឺមការ៉ុតនឹងមិនអាចព្យាបាលបញ្ហាភ្នែកដែលមានស្រាប់ទេ តែវាអាចការពារបញ្ហាភ្នែកមើលឃើញមិនច្បាស់ដែលបង្កឡើងដោយការកង្វះវីតាមីន A បាន។ រាងកាយនឹងបំលែង Beta-carotene ទៅជាវីតាមីន A ហើយវាពិតជាសំខាន់សម្រាប់សុខភាពភ្នែក។
បន្ថយការបាត់បង់ការចងចាំ
អ្នកស្រាវជ្រាវជនជាតិអាឡឺម៉ង់បានរកឃើញថា អ្នកចូលរួមសិក្សាស្រាវជ្រាវដែលមានបញ្ហាភ្លេចភ្លាំងតិចតួច គឺមានចំនួនវីតាមីន C និង Beta-carotene ក្នុងខ្លួន ដូច្នេះការញ៉ាំអាហារដែលបង្កើនចំនួនជីវជាតិទាំងពីរនេះនឹងអាចបន្ថយការភ្លេចភ្លាំងបានយ៉ាងល្អ។
បន្ថយការប្រឈមនឹងជំងឺទឹកនោមផ្អែមប្រភេទទី២
ការ៉ុតផ្ទុកទៅដោយសារធាតុ Beta-carotene ដែលជាអង់ទីអុកស៊ីដង់ដ៏ខ្លាំងមួយ ហើយអ្នកស្រាវជ្រាវជនជាតិជប៉ុនបានរកឃើញថា វាមានជាប់ទាក់ទងនឹងការថយចុះការប្រឈមនឹងជំងឺទឹកនោមផ្អែមប្រភេទទី២។ ថ្វីបើជំងឺទឹកនោមផ្អែមប្រភេទទី២មិនមានការព្យាបាលក៏ដោយ តែអ្នកជំងឺខ្លះមានភាពធូរស្រាលចំពោះជាតិស្ករក្នុងឈាមក្រោយពេលញ៉ាំការ៉ុតរួច។
បង្កើនសុខភាពឆ្អឹង
ការ៉ុតក៏ផ្ទុកទៅដោយជីវជាតិសំខាន់ៗផ្សេងទៀតមួយចំនួនតូចដែរដូចជា វីតាមីន C និងកាលស្យូម។ (អាន:ថ្នាំងងុយគេង ពេលអ្នកគួរប្រើ)មនុស្សភាគច្រើន ជាពិសេសស្រ្តីក្រោយរ៉ាំងរដូវ មិនទទួលបានជាតិកាលស្យូមគ្រប់គ្រាន់ទេ ដូច្នេះខណៈពេលដែលការ៉ុតមិនមែនច្រើន តែវាអាចជួយបានខ្លះដែរ៕