ប្រយ័ត្ន! អាហារអ្វីខ្លះអាចបង្កគ្រោះថ្នាក់ដល់ក្រពេញប្រូស្តាត?

របបអាហារក៏ជះឥទ្ធិពលគួរឱ្យព្រួយបារម្ភលើសុខភាពក្រពេញប្រូស្តាត។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារទាំងនោះមានអ្វីខ្លះ? ខាងក្រោមវេបសាយសុខភាព  Health.com.kh នឹងបង្ហាញឱ្យដឹងពីអាហារដែលអ្នកគួរចៀសវាង ឬកម្រិតការទទួលទានប្រសិនបើចង់ចៀសផុតបញ្ហាក្រពេញប្រូស្តាតផ្សេងៗ ៖

១. សាច់ក្រហម

ទោះបីជាអាហារនេះអាចផ្ដល់ឱ្យរាងកាយនូវប្រូតេអ៊ីននិងជាតិដែក ប៉ុន្តែសាច់ក្រហមអាចបង្កើនហានិភ័យនៃជំងឺមហារីកក្រពេញប្រូស្តាតគួរឱ្យបារម្ភ។ ហើយនេះជាមូលហេតុដែលអ្នកគួរព្យាយាមកាត់បន្ថយ ឬកម្រិតការទទួលទានសាច់ក្រហម។

២. សាច់កែច្នៃ

សារធាតុគីមីដែលមានផ្ទុកក្នុងសាច់កែច្នៃអាចបង្កើនហានិភ័យនៃបញ្ហាក្រពេញប្រូស្តាតផ្សេងៗគួរឱ្យកត់សម្គាល់។ ដើម្បីជាការប្រសើរចូរជ្រើសរើសទទួលទានត្រី ស៊ុត ឬសាច់ទ្រូងមាន់ជំនួសវិញ។

៣. ប៉េងប៉ោះកំប៉ុង

ប៉េងប៉ោះកំប៉ុងមិនអាចជួយកាត់បន្ថយហានិភ័យនៃជំងឺមហារីកបានដូចប៉េងប៉ោះស្រស់ឡើយ។ នេះក៏ព្រោះតែប៉េងប៉ោះកំប៉ុងមានផ្ទុកសារធាតុ bisphenol-A or BPA បង្កជំងឺមហារីក។

៤. គ្រឿងស្រវឹងនិងកាហ្វេ

ក៏មិនខុសពីអាហារហឹរនិងអាហារមានផ្ទុកជាតិអាស៊ីត គ្រឿងស្រវឹងអាចបង្កការរលាកដល់ក្រពេញប្រូស្តាត។ ដូច្នេះដើម្បីជាការប្រសើរចូរទទួលទានគ្រឿងស្រវឹងក្នុងកម្រិតមធ្យមមិនលើសពី ២ កែវក្នុងមួយថ្ងៃ។ ចំពោះកាហ្វេក៏ដូចជាគ្នាដោយវាមានផ្ទុកជាតិកាហ្វេអ៊ីនដែលអាចបណ្ដាលឱ្យរោគសញ្ញាកាន់តែធ្ងន់ធ្ងរ។

៥. ស្ករចម្រាញ់

មិនត្រឹមតែចំពោះក្រពេញប្រូស្តាតប៉ុណ្ណោះទេ ប៉ុន្តែស្ករចម្រាញ់មិនល្អចំពោះសុខភាពរាងកាយទាំងមូល។ របបអាហារដែលមានផ្ទុកស្ករចម្រាញ់ ឬកែច្នៃខ្ពស់អាចបង្កើនហានិភ័យនៃបញ្ហាក្រពេញប្រូស្តាតផ្សេង២ រួមទាំងមហារីក។

៦. អាហារសម្បូរខ្លាញ់ឆ្អែត

ខ្លាញ់ឆ្អែតជាប្រភេទខ្លាញ់ដែលមិនល្អសោះឡើយចំពោះសុខភាពរាងកាយ ព្រមទាំងក្រពេញប្រូស្តាត។ ដូច្នេះដើម្បីរក្សាសុខភាពក្រពេញប្រូស្តាត ចូរព្យាយាមទទួលទានអាហារសម្បូរខ្លាញ់សុខភាពល្អដូចជាត្រីសម្បូរខ្លាញ់ជំនួសភីហ្សា មាន់បំពង និងបឺហ្គឺដែលអាហារប្រភេទនេះមានផ្ទុកសម្បូរដោយខ្លាញ់ឆ្អែត។