គ្រាប់ល្ពៅដែលយើងអាចញ៉ាំទាំងមាន និងគ្មានសម្បកនោះ ពិតជាមានរសជាតិឆ្ងាញ់ ហើយក៏ជាអាហារសម្បូរជីវជាតិថែមទៀត។ តាមការស្រាវជ្រាវបានបង្ហាញថា វាផ្តល់ប្រយោជន៍មួយចំនួនដល់សុខភាពដូចជា បញ្ចុះជាតិស្ករក្នុងឈាម ពង្រឹងដល់សុខភាពបេះដូង និងបន្ថយការប្រឈមនឹងជំងឺមហារីកទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ទោះបីជាយ៉ាងណាក៏ដោយ គ្រាប់ល្ពៅសម្បូរទៅដោយជីវជាតិជាច្រើនដែលត្រូវបានគេដឹងថាជួយទ្រទ្រង់ដល់ការសម្រកទម្ងន់ដូចជា ជាតិសរសៃ ប្រូតេអ៊ីន និងខ្លាញ់ Unsaturated Fat។ តាមការសិក្សាមួយដែលធ្វើទៅលើមនុស្សពេញវ័យចំនួន ៣៤៥នាក់ រយៈពេល ៦ខែ បានឲ្យដឹងថា ជាតិសរសៃដែលគេញ៉ាំរាល់ថ្ងៃអាចជួយដល់ការសម្រកទម្ងន់បាន។ ជាតិសរសៃជួយបង្កើនអារម្មណ៍ឆាប់ឆ្អែត បង្ការការញ៉ាំច្រើននៅចន្លោះពេលញ៉ាំអាហារ។
ជាតិសរសៃដែលគេណែណាំឲ្យញ៉ាំចំពៅះមនុស្សពេញវ័យសម្រាប់ទ្រទ្រង់សុខភាពទូទៅ និងរក្សាទម្ងន់ឲ្យល្អនោះ យ៉ាងហោចណាស់ក៏ត្រូវ ១៩ ទៅ ៣៨ក្រាមក្នុងមួយថ្ងៃដែរ។ ការញ៉ាំគ្រាប់ល្ពៅ ៧២ក្រាមដោយគ្មានសម្បក អាចផ្តល់ជាតិសរសៃ ២៣ក្រាម ខណៈពេលដែលញ៉ាំទាំងសម្បកចំនួន ២៣ក្រាម ទទួលបានជាតិសរសៃ ១.៥ក្រាម។
ប្រូតេអ៊ីនក៏ត្រូវបានគេដឹងថា ដើរតួនាទីទ្រទ្រង់ក្នុងការសម្រកទម្ងន់ ជួយដល់ចំណង់អាហារ បង្ការការញ៉ាំច្រើនជ្រុល និងជំរុញដល់អារម្មណ៍ឆាប់ឆ្អែតបាន។ (អាន:ថ្នាំងងុយគេង ពេលអ្នកគួរប្រើ)ការញ៉ាំគ្រាប់ល្ពៅ ៧២ក្រាម ដោយគ្មានសម្បក អាចផ្តល់ជាតិប្រូតេអ៊ីនបាន ២១ក្រាម ខណៈបេលដែលញ៉ាំទាំងសម្បកចំនួន ២៣ក្រាម ទទួលបានជាតិប្រូតេអ៊ីន ៧ក្រាម៕