តើធ្វើការឬលេងនៅក្រោមកម្ដៅព្រះអាទិត្យបំផ្លាញខួរក្បាលដែរឬទេ? ការសិក្សាថ្មីតូចមួយនៅប្រទេសក្រិចបានរកឃើញថាកម្តៅខ្លាំងពេកនៅលើក្បាលរារាំងការគិតរបស់អ្នកស្ម័គ្រចិត្តហើយវាធ្វើអោយប៉ះពាល់ដល់សមត្ថភាពខួរក្បាល។
មនុស្សភាគច្រើនដឹងថាសីតុណ្ហភាពខ្ពស់អាចបណ្តាលឱ្យហត់នឿយ ដួលសន្លប់ជាដើម។ប៉ុន្តែកម្តៅព្រះអាទិត្យក៏អាចប៉ះពាល់ដល់ខួរក្បាលរបស់អ្នកទោះបីសីតុណ្ហភាពរាងកាយរបស់អ្នកនៅធម្មតាក៏ដោយ។
អ្នកស្រាវជ្រាវម្នាក់ឈ្មោះសាស្ត្រាចារ្យរង Andreas Flouris បាននិយាយថា“ វិទ្យុសកម្មព្រះអាទិត្យមានឥទ្ធិពលដាច់ដោយ ឡែកពីគ្នាទៅលើសមត្ថភាពរបស់មនុស្សក្នុងការបំពេញមុខងារដែលទាមទារការគិតនិងសម្របសម្រួលទោះបីជាមនុស្សនោះមិនមានកម្តៅខ្លាំងពេកក៏ដោយពីព្រោះក្បាលរបស់ពួកគេត្រូវបានប៉ះពាល់នឹងកាំរស្មីព្រះអាទិត្យខ្ពស់” ។
នេះបង្ហាញថាកម្មករនៅខាងក្រៅរងផលប៉ះពាល់នៅពេលធ្វើការក្រោមពន្លឺព្រះអាទិត្យ សូម្បីតែពេលដែលកម្តៅខ្លួនពួកគេមិនឈាន ដល់កំរិតខ្ពស់ក្តី។
លោកបាននិយាយថា “នេះអាចពន្យល់ពីគ្រោះថ្នាក់កើន ឡើងក្នុង អំឡុងពេលការងារដែលពឹងផ្អែកលើកម្លាំងពលកម្មនៅរដូវក្តៅ។ វាក៏ជះឥទ្ធិពលដល់វិធីដែលយើងគណនាផលប៉ះពាល់សេដ្ឋកិច្ចពីការប្រែប្រួលអាកាសធាតុផងដែរដោយបង្ហាញថាគំរូសេដ្ឋកិច្ចដែលមានស្រាប់អាចមើលស្រាលលើផលប៉ះពាល់នោះ” ។