ការកន្ត្រាក់សាច់ដុំសន្ទះទ្រូងប្រភេទនេះមិនមានអ្វីគ្រោះថ្នាក់ឡើយ ប៉ុន្តែបើសិនជាអ្នករកមិនឃើញវិធីដោះស្រាយទៀត អ្នកប្រហែលជាវិលវុលចង់ឆ្គួតដោយសារតែការត្អើកនេះហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះខ្ញុំសូមណែនាំវិធី បីយ៉ាងដែលអាចជួយដោះស្រាយការត្អើកបានយ៉ាងល្អ ហើយក៏អាចសាកល្បងដោយខ្លួនឯងបានដែរ៖
លេបរបស់អ្វីដែលផ្អែមៗ
ត្រឹមស្ករមួយស្លាបព្រាបាយពេញគឺជាវិធីព្យាបាលការត្អើកដ៏ពេញនិយម។ រឿងនេះត្រូវបានគេជឿថា ភាពផ្អែមនឹងទៅភ្ញោចដល់សរសៃប្រសាទ Vagus ដើម្បីរំខានចលនាធ្វើឲ្យត្អើក។ ក្នុងការសិក្សាដ៏តូចមួយនេះ ស្ករមួយស្លាបព្រាពេញគឺមានប្រសិទ្ធភាពចំពោះអ្នកជំងឺ ១៩នាក់ទៅហើយក្នុងចំណោម ២០នាក់។ ដូច្នេះវាគួរតែជារឿងល្អដែលគួរសាកល្បង។
ញ៉ាំអ្វីដែលជូរៗ
យោងទៅតាមសេចក្តីរាយការណ៍មួយក្នុងឆ្នាំ ២០១៥ ដែលធ្វើទៅលើការត្អើកជាប់រហូតបានរកឃើញថា សារធាតុជូរៗមានក្នុងទឹកខ្មេះ អាចជួយបំបាត់ការត្អើកបាន។ ដូច្នេះយកល្អ គួរតែសាកល្បងបន្តក់ទឹកខ្មេះមួយស្លាបព្រាកាហ្វេលើអណ្តាត ហើយចាំមើលលទ្ធផលរបស់វា។ ហើយបើសិនជាអ្នកចង់បានលទ្ធផលច្រើន អ្នកអាចសាកល្បងទៅលើទឹកខ្មេះផ្លែប៉ោមបាន ដោយសារតែវាមានប្រយោជន៍ចំពោះសុខភាពច្រើន។
ផ្លុំកញ្ចប់ក្រដាស
ការដកដង្ហើមយឺតៗ និងជ្រៅៗទៅក្នុងថង់ក្រដាសតូចមួយប្រហែលជាជួយបំបាត់ការត្អើកបាន។(អាន:ថ្នាំងងុយគេង ពេលអ្នកគួរប្រើ) វិធីនេះអាចជួយសម្រួលការត្អើកបានយ៉ាងល្អ។ វាមានប្រសិទ្ធភាពតាមរយៈការបង្កើនចំនួនកាបូនឌីអុកស៊ីតក្នុងឈាម និងបន្ធូរសាច់ដុំ និងសរសៃប្រសាទដែលនាំឲ្យត្អើក៕