បើសិនជាអ្នកពិបាកនឹងថែរក្សាភាពស្រស់ស្អាតរបស់ស្បែក ជាពិសេសស្បែកមុខ សូមកុំបារម្ភអី ព្រោះនរណាក៏មានបញ្ហានេះដែរ។ ប៉ុន្តែបើសិនអ្នកកំពុងតែប្រើវិធីថែរក្សាស្បែកជាមួយនឹងការលាបសេរ៉ូមថែរក្សាស្បែក និងបិតម៉ាសនៅមុខ អ្នកប្រហែលជាចង់រកមើលរបស់អ្វីដែលមានក្នុងផ្ទះស្រាប់ៗដើម្បីកុំឲ្យចំណាយច្រើនហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះ ខ្ញុំសូមណែនាំអាហារមួយចំនួនដែលល្អបំផុតក្នុងការជួយឲ្យស្បែកកាន់តែស្រស់ស្អាត៖
ដំឡូងជ្វា
អាហារប្រភេទនេះសម្បូរទៅដោយ Beta-carotene ដែលរាងកាយនឹងបំលែងវាទៅជាវីតាមីន A (Retinol) ដែលអាចជួយឲ្យស្បែកកាន់តែមានសុខភាពល្អ និងការពារស្បែកពីការខូចខាតដោយសារតែមូលហេតុផ្សេងៗផងដែរ។ អ្នកស្រាវជ្រាវបានរកឃើញថា កាលណារបបអាហារមានសារធាតុ Beta-carotene នេះ ៣០មីលីក្រាមក្នុងមួយថ្ងៃ អាចជួយបន្ថយ ឬបង្ការភាពឡើងក្រហម និងរលាកដែលទាក់ទងនឹងការរលាកដោយសារតែពន្លឺព្រះអាទិត្យបាន។
ផ្លែប័រ
ផ្លែប័រសម្បូរទៅដោយវីតាមីន E ដែលសំខាន់សម្រាប់ថែរក្សាកោសិកា និងជួយឲ្យបេះដូង ឈាម និងរបត់ឈាមកាន់តែមានសុខភាពល្អថែមទៀត។ វីតាមីន E អាចបន្ថយដំណើរការណ៍នៃភាពចាស់របស់កោសិកាបានតាមរយៈ អង់ទីអុកស៊ីដង់របស់វា ហើយក៏ជួយឲ្យស្បែកមើលទៅកាន់តែនៅក្មេងកាន់តែយូរ ជាមួយនឹងបន្ថយស្នាកស្នាមនៃការផ្លែសាច់ផងដែរ។ ផ្លែប័រក៏មានខ្លាញ់ផ្តល់សុខភាព ដែលអាចជួយថែរក្សាភាពបត់បែន និងផ្តល់សំណើមរបស់ស្បែកកាន់តែល្អទៀត។
សាច់មាន់
ជាមួយនឹងជាតិរ៉ែស័ង្គសី និងសេឡេញ៉ូម សាច់មាន់មិនគួរណាទទួលទានតិចឡើយ។ ជាតិស័ង្គសីគឺជាអង់ទីអុកស៊ីដង់ដ៏សំខាន់សម្រាប់សុខភាពប្រព័ន្ធភាពស៊ាំ ហើយជាតិសេឡេញ៉ូមក៏សំខាន់សម្រាប់ទំនាក់ទំនងក្នុងស្បែក បង្កើនភាពយឺតរបស់វា។ អ្នកជំនាញនិយាយថា សេឡេញ៉ូមដើរតួនាទីដ៏សំខាន់មួយចំពោះសុខភាពទូទៅរបស់កោសិកាស្បែកផងដែរ។
តែបៃតង
តែបៃតងផ្ទុកទៅដោយអង់ទីអុកស៊ីដង់ជាច្រើនដែលអាចជួយបន្ថយការរលាក និងការពារភ្នាស់កោសិកា ដើម្បីជួយឲ្យវាកាន់តែមានប្រយោជន៍ខ្លាំងថែមទៀតសម្រាប់សុខភាពស្បែកទាំងមូល។ ជាមួយគ្នានេះដែរ វានឹងជួយបង្គ្រប់ជាតិទឹកក្នុងខ្លួនដែលស្បែកចូលចិត្តយ៉ាងខ្លាំង។
ប៉េងប៉ោះ
សារធាតុបំពាក់ពណ៌ Lycopene ដែលធ្វើឲ្យប៉េងប៉ោះមានពណ៌ក្រហមដិត គឺជាអង់ទីអុកស៊ីដង់ដ៏ខ្លាំងក្លាមួយដែលត្រូវបានគេរកឃើញថា អាចថែរក្សាស្បែកឲ្យកាន់តែមានសុខភាពល្អជាងមុន។ (អាន:ថ្នាំងងុយគេង ពេលអ្នកគួរប្រើ)ប៉េងប៉ោះគ្រប់ប្រភេទគឺជាប្រភពដ៏អស្ចារ្យនៃសារធាតុ Lycopene ប៉ុន្តែវាក៏មានក្នុងប៉េងប៉ោះឆ្អិនដែរ ដូច្នេះការញ៉ាំទាំងឆ្អិតពិតជាមានប្រយោជន៍ដូចគ្នា៕