បើសិនជាអ្នកជាមនុស្សដែលនៅម្នាក់ឯង ហើយមិនចេះធ្វើម្ហូបនោះ អ្នកពិតចាចូលចិត្តញ៉ាំស៊ុតខ្លាំងណាស់ហើយដោយសារតែវាងាយស្រួលចម្អិន។ ក្រៅពីនេះអ្នកក៏ឃើញវត្តមានរបស់វាច្រើននៅក្នុងមុខម្ហូបអាហារដែលមានតាមភោជនីយដ្ឋាននានាទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដោយសារតែស៊ុតទាគឺជាអាហារដែលមនុស្សទូទៅតែងតែចូលចិត្ត ប៉ុន្តែសំបករបស់វាក៏ត្រូវបានគេប្រើដើម្បីព្យាបាលបញ្ហាភ្នែកដែរ។ 

ស៊ុតច្រើនតែត្រូវបានគេចាត់ទុកថាជាអាហារដ៏ល្អឥតខ្ចោះដោយសារតែវាមានជីវជាតិខ្លាំងបំផុត។ ក្រៅពីនេះ វាផ្ទុកទៅដោយសារធាតុជាច្រើនដែលអាចមានប្រយោជន៍ដល់សុខភាពមនុស្សយើង។ ស៊ុតទាផ្នែកកណ្តាលផ្ទុកទៅដោយសារធាតុពិសេសពីធម្មជាតិឈ្មោះថា Carotenoids ដែលវាជាអង់ទីអុកស៊ីដង់មួយប្រភេទសម្រាប់ជួយការពារកោសិកា និង DNA ពីការខូចខាតដោយសារសម្ពាធអុកស៊ីតកម្មដែលអាចនាំឲ្យមានជំងឺទាក់ទងនឹងភាពចាស់ និងជំងឺរ៉ាំរ៉ៃជាច្រើនបាន។ 

សារៈសំខាន់នៃស៊ុតផ្នែកកណ្តាលគឺ Carotene, Cryptoxanthin, Zeaxanthin និង Lutein ដែលជាប់ទាក់ទងនឹងការថយចុហជំងឺភ្នែក ភ្នែកឡើងបាយ ជំងឺបេះដូង និងមហារីកមួយចំនួន។ ស៊ុតផ្នែកកណ្តាលក៏សម្បូរទៅដោយសារធាតុ Lecithin និង Cholineផងដែរ។ Choline គឺជាជីវជាតិដូចគ្នានឹងវីតាមីន ដែលសំខាន់សម្រាប់ថែរក្សាសុខភាពភ្នាសរបស់កោសិកា ព្រមទាំងខួរក្បាល សារធាតុចម្លងសរសៃប្រសាទ និងប្រព័ន្ធសរសៃប្រសាទ។ Lecithin ត្រូវបានបំលែងទៅជា Choline ក្នុងរាងកាយ។ 

Choline គឺជាសារធាតុសំខាន់យ៉ាងពិសេសសម្រាប់សុខភាពខួរក្បាល។ ការសិក្សាមួយដែលធ្វើទៅលើមនុស្សចាស់ជាង ២២០០នាក់ បានបង្ហាញថា កាលណាកម្រិត Choline ក្នុងឈាមរបស់ពួកគាត់កាន់តែច្រើន មុខងារខួរក្បាលកាន់តែធ្វើការល្អ។ វាក៏ជាជីវជាតិដ៏សំខាន់មួយក្នុងពេលមានផ្ទៃពោះដែរ ដោយសារតែ Choline ជួយទ្រទ្រង់ដល់ការលូតលាស់ខួរក្បាលទារកប្រកបដោយសុខភាពល្អ។ (អាន:ថ្នាំងងុយគេង ពេលអ្នកគួរប្រើ

ផ្នែកពណ៌សនៃស៊ុត និងស៊ុតប្រភេទសផ្សេងៗទៀតត្រូវបានគេស្គាល់ជាសម្បូរទៅដោយប្រូតេអ៊ីន ប៉ុន្តែវាក៏ជួយការពារអ្នកពីការបង្ករោគផងដែរ។ អ្នកស្រាវជ្រាវបានសម្គាល់ដឹងសារធាតុជាច្រើនក្នុងស៊ុតផ្នែកពណ៌ស ដែលវាមាននាទីប្រឆាំងនឹងបាក់តេរី វីរុស និងមេរោគផ្សិតផង៕