បើសិនជាអ្នកកំពុងតែពិបាកក្នុងការអនុវត្តទម្លាប់ផ្តល់សុខភាពថ្មី វាលែងជាបញ្ហាទៀតហើយ។ នៅពេលយើងមានអារម្មណ៍ស្រ្តេស ឬធុញថប់ច្រើន យើងច្រើនតែចាប់ផ្តើមធ្វើនូវតម្រូវការមូលដ្ឋានខ្លះដូចជា គេងតិច ឬញ៉ាំអាហារមិនផ្តល់សុខភាពច្រើនជាងធម្មតាទៅវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជារឿងនឹងស្តាប់មើលទៅដូចអ្វីដែលអ្នកធ្វើមែននោះ ចូរផ្លាស់ប្តូរវិញ និងព្យាយាមញ៉ាំទឹកឲ្យបានច្រើន ឬចំណាយពេលសម្រាកឲ្យបានគ្រប់គ្រាន់រាល់ថ្ងៃវិញ។ ទោះបីជាយ៉ាងណាក៏ដោយ ខាងក្រោមនេះគឺជាគន្លឹះសុខភាពមួយចំនួនដែលគ្រូពេទ្យគ្រប់រូបចង់ឲ្យអ្នកអនុវត្តជាប្រចាំ៖
ញ៉ាំទឹកគ្រប់គ្រាន់
ពេលមនុស្សកើតមក រាងកាយស្ទើរតែ ៩៧ភាគរយត្រូវបានបង្កើតឡើងដោយទឹក។ នៅពេលធំពេញវ័យ ចំនួនជាតិទឹកនេះនឹងធ្លាក់ចុះប្រហែល ៧៥ភាគរយវិញ។ សរីរាង្គដ៏សំខាន់និងត្រូវការជាតិទឹកខ្លាំងជាងគេនោះគឺកោសិកាខួរក្បាលតែម្តង ហើយទោះបីជាធ្មេញក៏ត្រូវការជាតិទឹក ១០ភាគរយដែរ។ កោសិកានីមួយៗអាចធ្វើការបានទាល់តែមានជាតិទឹកគ្រប់គ្រាន់។ កោសិកាមានសុខភាពអាចធ្វើការបានល្អតាមរយៈការបឺតស្រូបជីវជាតិពីក្នុងតឹកដែលមកជាមួយ ហើយទោះបីជាការខ្សោះជាតិទឹកត្រឹមតែ ២ភាគរយក៏អាចធ្វើឲ្យអស់កម្លាំងរហូតដល់មួយភាគប្រាំដែរ។ ដូច្នេះចូរយកចិត្តទុកដាក់លើការញ៉ាំទឹកជានិច្ចគ្រប់ពេលស្រេកទឹក។
កំណត់ពេលវេលាគេងឲ្យបានល្អ
ថ្វីបើមិនមានចម្លើយណាមួយថា ការគេងប៉ុណ្ណាហៅថាធម្មតានោះ តែមនុស្សពេញវ័យភាគច្រើនគួរតែគេងពី ៧ ទៅ ៩ម៉ោងក្នុងមួយយប់។ ការគេងជាពេលវេលាមួយដែលរាងកាយស្តារនូវអ្វីដែលខូចខាត ជួយឲ្យរបួសជា និងពង្រឹងដល់សុខភាពរាងកាយ និងចិត្ត។
ញ៉ាំគ្រប់គ្រាន់
របបអាហារមានតុល្យភាពមិនត្រូវការពិបាក ឬរញ៉េរញ៉ៃពេកទេ។ បើសិនជាអ្នកញ៉ាំ ឬផឹកច្រើនពេក អ្នកនឹងឡើងទម្ងន់។ បើសិនជាអ្នកញ៉ាំតិចពេកអ្នកនឹងស្រកទម្ងន់។ ដូច្នេះជាមធ្យមបុរសត្រូវការ ២៥០០កាឡូរីក្នុងមួយថ្ងៃ ហើយស្រ្តី ២០០០កាឡូរី។
បើសិនជាចាំបាច់ត្រូវសម្រកទម្ងន់
ការញ៉ាំអាហារផ្តល់សុខភាព និងរបបអាហារមានតុល្យភាព ដើរតួនាទីដ៏សំខាន់មួយក្នុងការថែរក្សាទម្ងន់ឲ្យមានសុខភាពល្អ ដែលវាគឺជាផ្នែកមួយដ៏សំខាន់សម្រាប់សុខភាពទូទៅ។ ការធាត់ ឬធាត់ជ្រុលអាចនាំឲ្យមានបញ្ហាសុខភាពបានដូចជា ជំងឺទឹកនោមផ្អែមប្រភេទទី២ មហារីក ជំងឺបេះដូង និដាច់សរសៃឈាមខួរក្បាល។
ធ្វើចលនាឲ្យបានច្រើន
សកម្មភាពរាងកាយអាចជួយថែរក្សាការស្រកទម្ងន់ ឬរក្សាទម្ងន់ឲ្យនៅមានសុខភាពល្អបាន ប៉ុន្តែការរស់នៅបែបសកម្មគួរតែជាការចំណាយពេលក្នុងក្លិបហាត់ប្រាណទៅវិញទេ។ ប៉ុន្តែបើសិនជាអ្នកគ្មានពេល អ្នកអាចប្រើវិធីដើរទៅធ្វើការ ឬឡើងជណ្តើរកាំជំនួសជណ្តើរយន្ត។ ការជិះកង់ រត់កីឡា រាំ ឬថែសួនសុទ្ធតែជាវិធីដ៏ល្អទាំងអស់។
ឈប់ជក់បារី
ការលះបង់ការជក់បារីប្រហែលជាវិធីដ៏អស្ចារ្យមួយក្នុងការពង្រឹងដល់សុខភាព។ ប្រហែលអ្នកជក់បារីពាក់កណ្តាលគឺស្លាប់ដោសយារតែជំងឺទាក់ទងនឹងការជក់បារី។ បើសិនជាអ្នកជក់បារីយូរហើយ អ្នកនឹងមានអាយុខ្លីជាងអ្នកមិនជក់ប្រហែល ១០ឆ្នាំ ហើយឱកាសនៃការអាយុបាន ៧០ឆ្នាំនឹងត្រូវកាត់បន្ថយពាក់កណ្តាលផង។(អាន:ថ្នាំងងុយគេង ពេលអ្នកគួរប្រើ) កាលណាអ្នកចាប់ផ្តើមជក់បារីកាន់តែវ័យក្មេង អ្នកទំនងជាឆាប់ស្លាប់ដោយសារតែការជក់បារីនេះ៕