ខាងក្រោមនេះ យើងខ្ញុំនឹងបង្ហាញអ្នកពីគ្រោះថ្នាក់ដែលអាចកើតលើខ្លួនកូនពេលដែលអ្នកឲ្យគេញ៉ាំទឹកដោះគោមិនសុទ្ធ។ តើមានអ្វីខ្លះទៅ?
- កូននឹងងាយធាត់ខ្លាំងណាស់ពេលដែលគេញ៉ាំត្រូវទឹកដោះគោមិនសុទ្ធ ព្រោះក្នុងនោះទឹកដោះគោដែលមិនសុទ្ធ នឹងមានផ្ទុកជាតិស្ករខ្ពស់។ ក្រោយពេលដែលកូនញ៉ាំរួច កូននឹងអាចឡើងទម្ងន់លឿន ហើយក៏ងាយប្រឈមមុខនឹងជំងឺទឹកនោមផ្អែមផងដែរ។ ដូចនេះ អ្នកម្តាយគួរតែប្រយ័ត្នក្នុងការទិញទឹកដោះគោឲ្យកូនញ៉ាំ ទើបមិនបំផ្លាញសុខភាពរបស់កូន។
- ធ្មេញរបស់កូនក៏ងាយពុកដែរ ប្រសិនជាកូនតែងញ៉ាំទឹកដោះគោមិនសុទ្ធដែលផ្ទុកទៅដោយសារធាតុស្ករខ្ពស់។
- កូននឹងអាចប្រឈមមុខនឹងការលូតលាស់មិនល្អ ដោយកូនអាចនឹងរើសអាហារ មិនចូលចិត្តញ៉ាំអាហារ។ ជាហេតុដែលធ្វើឲ្យប៉ះពាល់ខ្លាំងដល់ការលូតលាស់របស់កូន។ ដូចនេះ មុននឹងទិញទឹកដោះគោឲ្យកូន អ្នកម្តាយគួរតែប្រយ័ត្នឲ្យបានខ្ពស់ ទើបមិនធ្វើឲ្យប៉ះពាល់ដល់សុខភាពកូនយ៉ាងងាយ៕