មានសំណួរមួយដែលស្រ្តីគ្រប់គ្នាចង់ដឹងថា តើទ្វារមាសមានក្លិនធម្មតាដូចម្តេចទៅ? ដោយសារតែវាទាក់ទងនឹងប្រដាប់ភេទ ដូច្នេះបានធ្វើឲ្យស្រ្តីជាច្រើនមិនហ៊ានចោទជាសំណួរជាផ្លូវកាយចំពោះមនុស្សជុំវិញខ្លួននៅឡើយទេ។ ប៉ុន្តែការសិក្សាអំពីទ្វារមាសកាន់តែច្រើនគឺជារឿងសំខាន់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

បបេរទ្វារមាស និងទ្វារមាសគួរតែមានក្លិនដូចមនុស្សយើងធម្មតា តែបើសិនជាក្លិនរបស់វាប្រែប្រួល ប្រាកដជាមានអ្វីខុសប្រក្រតីហើយ។ ទ្វារមាសមានសុខភាពល្អគឺអ្វីៗមានតុល្យភាពទាំងអស់។ វាគឺជាបណ្តុំនៃមេរោគផ្តល់សុខភាពយ៉ាងច្រើន ហើយជាធម្មតាវាល្អបាននៅពេលវាមានតុល្យភាពត្រឹមត្រូវ។ នៅពេលតុល្យភាពនេះរងការប៉ះពាល់ ឬទៅជាអតុល្យភាពវិញ អ្នកប្រាកដជាយល់ថាមានអ្វីខុសប្រក្រតី ហើយអាចនឹងមានការបង្ករោគដោយបាក់តេរីថែមទៀត រហូតដល់ចេញជាក្លិនដូចឆ្អាបត្រីអ៊ិចឹង។ 

ទ្វារមាសគួរតែមានសភាពដូចម្តេចទៅ?

វាមិនខុសពីកន្លែងផ្សេងៗនៃរាងកាយយើងឡើយ ទ្វារមាសគឺជាសរីរាង្គពិសេស។ អ្វីដែលអ្នកមើលឃើញនោះគឺជាបបេរទ្វារមាសប៉ុណ្ណោះ តែវាមានរូបរាង និងទំហំខុសៗគ្នា។ បើសិនជាអ្នកកំពុងតែជួបបញ្ហាឈឺចាប់ រមាស់ ឬប្រែប្រួលណាមួយ វាអាចជាបញ្ហាដែលត្រូវពិនិត្យហើយ។ ជាទូទៅ ការបន្ថែមអ្វីផ្សេងទៅលើទ្វារមាស ដូចជាទឹកអប់ អាចធ្វើឲ្យរំខានដល់តុល្យភាពបាក់តេរីល្អៗក្នុងទ្វារមាស និងជំរុញដល់ការរលាកទ្វារមាសថែមទៀត។ យ៉ាងណាមិញ អ្នកមិនអាចមើលឃើញទ្វារមាសបានទេ ដោយសារតែវាស្ថិតនៅខាងក្នុង ប៉ុន្តែកាលណាអ្នកមិនមានអារម្មណ៍ថាមានក្លិនមិនល្អ ឬមិនមានផាសុកភាពអ្វីទេ វាទំនងជាមិនមានអ្វីត្រូវបារម្ភទេ។ 

តើការហូរទឹករំអិលពីទ្វារមាសគឺជារឿងធម្មតាមែនទេ?

ទ្វារមាសស្រ្តីគឺជាមជ្ឈដ្ឋានមួយមានលក្ខណៈជាអាស៊ីត ដែលអាចឲ្យវាថែរក្សាសុខភាពរបស់វាបានដោយខ្លួនឯងតាមរយៈការផលិតជាទឹករំអិលមួយចំនួន ដូច្នេះស្រ្តីនឹងជួបអាការៈប្រែប្រួលទឹករំអិលដែលហូរចេញមកខាងក្រៅជារៀងរាល់ខែ។ ជាទូទៅរដូវស្រ្តីនឹងមានរយៈពេល ៤ ទៅ ៥ថ្ងៃ បន្ទាប់មក ទ្វារមាសនឹងស្ងួត ហើយបង្កើនការហូរទឹករំអិលវិញ។ វានឹងជារឿងធម្មតាទេ ក្នុងការហូរទឹករំអិលពណ៌សដំបូង បន្ទាប់មកប្រែទៅជាថ្លា និងស្អិតវិញនាពេលស្ថិតក្នុងស្ថានភាពអាចមានកូនបានខ្លាំង។ ក្រោយពេលជ្រុះអូវ៉ុលហើយ វានឹងប្រែទៅជាស្ងួតវិញ មានទឹករំអិលពណ៌សខាប់ ដែលមេជីវិតឈ្មោលមិនអាចហែលកាត់បាន។ តែបើសិនជាអ្នកមានផ្ទៃពោះ រឿងនេះនឹងមិនកើតឡើងឡើយ។ បើសិនជាអ្នកមិនមានផ្ទៃពោះទេ វានឹងត្រឡប់មកម្តងទៀតនៅពេលមករដូវលើកក្រោយ។ 

តើខ្ញុំអាចធ្វើអ្វីបានទៅដើម្បីឲ្យទ្វារមាសនៅតែស្អាតជាប់?

ទ្វារមាសស្រ្តីនឹងសម្អាតអ្វីៗដោយខ្លួនឯង។ អ្វីដែលជាការយល់ខុសញឹកញាប់នោះគឺថា ការមានជំងឺរលាកទ្វារមាសដោយសារបាក់តេរី មានន័យថា អ្នកមិនបានសម្អាតទ្វារមាសល្អ ប៉ុន្តែអ្វីដែលជាការពិតនោះគឺថា នៅពេលស្រ្តីសម្គាល់ឃើញមានក្លិនមិនល្អ (ជាពិសេសក្រោយពេលរួមភេទរួច) ពួកគេនឹងច្រើនតែជ្រើសសាប៊ូ ឬជែលលាងខ្លួនមានក្លិនក្រអប់ ដើម្បីដោះស្រាយ ដែលរឿងនេះធ្វើឲ្យអាការៈកាន់តែធ្ងន់ធ្ងរទៅវិញទេ។ (អាន:ថ្នាំងងុយគេង ពេលអ្នកគួរប្រើ)ប៉ុន្តែអ្វីដែលគួរធ្វើជាប្រចាំថ្ងៃនោះគឺ មានទម្លាប់លាងសម្អាតធម្មតាៗពីខាងក្រៅ។ ការលាងសម្អាតបបេរទ្វារមាសមួយថ្ងៃម្តង គឺជារឿងដែលគួរតែធ្វើ។ យ៉ាងណាមិញបើសិនជាមានអ្វីមួយខុសប្រក្រតី ចូរពិគ្រោះជាមួយគ្រូពេទ្យជាមុនសិន៕